Úr myndasavninum



Úr videosavninum



Hús og heim



Til sølu



B36 fær hendan útlendska profilin


Skrivað hevur Jákup Ósá 11.01.2017 - 16:32

Lýsing Lýs her...

B36 fær ein av komandi døgunum væntandi munagóðan styrk.

Talan er um kendan leikara í felagnum. Tí nú ljóðar fyri vist, at 27 ára gamli danski Philip Lund kemur aftur til Føroyar og B36. Lund var í B36 í 2015, tá hann spældi 7 dystir, skoraði 4 mál og legði upp til 2 mál fyri táverandi føroyameistararnar. Skaðar hava mangan – og eisini í 2015 – argað Philip Lund, men tá hann hevur spælt, so hava evnini verið eyðsýnd. Síðani 2015 hevur hann spælt í Malaysia og í Noregi. Philip Lund var vælumtókur millum B36 viðhaldsfólkini seinast hann var í Føroyum, so hetta er helst eitt keyp, sum verður vælumtókt í hvíta partinum av Gundadali.


Frammanundan hevur B36 styrkt seg við Christian R. Mouritsen og Patrik Johannesen.  Harafturat kann nevnast, at Odmar Færø og Eli F. Nielsen, ið báðir vóru lyklaleikarar í 2015, eru tøkir frá byrjan av í ár. Teir spældu bara seinnu hálvu í fjør. 

[youtube=http://www.youtube.com/watch?v=P7Xoiotzt5Q]


Lýsing Lýs her...