Elding

Úr myndasavninum



Lesarabrøv


Heðin Mortensen

Lygn oman á lygn!

Jóhann Lützen

Saman at standa

Mary Antonsdóttir, forkvinna í Heilsuhjálparafelag Føroya

Ein skúli aftrat loysir ikki trupulleikan

Ragnar Ludvig

Hjartalag Guds

Jørgen Niclasen, løgtingsmaður

Nixon og Hoydal: I am not a crook

Jógvan Skorheim, borgarstjóri og stýrislimur í TSK

Kann onki fáa frið uttanfyri høvuðsstaðin?

Sjúrður Skaale (Tala hildin á fólkafundi í Lítlu Dímun 8. juni 2017).

Lítla Dímun - lítil oyggj, stórur varði


Úr videosavninum



Kunngerðir



Til sølu



Fara menn ikki, kann heilsuverkið fara til teirra


Skrivað hevur Løgtingsmenninir Bill og Joen Magnus 14.03.2017 - 16:05

Lýsing Lýs her...

Føroyskir menn hava lægri miðallivialdur enn kvinnur. Menn liva í miðal 78,9 ár, ímeðan føroyskar kvinnur liva í miðal 83 ár. Í grannalondum liva menn eisini longri enn føroyskir menn. Hetta er ein álvarsligur trupulleiki, og ein av orsøkunum er óivað, at menn eru ov seinir at lata seg kanna.

Fyri at bøta um støðuna hava løgtingslimirnir Joen Magnus Rasmussen fyri Fólkaflokkin og Bill Justinussen fyri Miðflokkin lagt fram uppskot, sum kann skapa betri møguleikar hjá monnum at verða kannaðir og fáa hjálp, áðrenn tað verður ov seint.

Um menn ikki fáa upp í lag at koma til heilsuverkið, so kann heilsuverkið við hesum átaki koma teirra. Antin heima við hús, ella at avtalur og samstarv verða gjørd við arbeiðspláss um at koma á heilsuvitjan. Hugsandi er at gera eina royndarskipan við mobilum eindum, har grundleggjandi fyribyrgjandi kanningar verða gjørdar. Til dømis at máta blóðtrýst, kanna kolesterolinnihald, kanna blóðsukur og taka blóðroynd.

Uppskotssetararnir meta, at menn hava bráðfeingis tørv at lata seg kanna. Eydnast royndin væl, kann skipanin framyvir víðkast til eisini at umfata kvinnur.

Uppskotið nr 120/2016 kemur til 1. viðgerð á løgtingsfundinum fríggjadagin 17. mars.

Joen Magnus Rasmussen løgtingsmaður vegna Fólkaflokkin

Bill Justinussen løgtingsmaður vegna Miðflokkin

Lýsing Lýs her...