Úr myndasavninum



Úr videosavninum



Kunngerðir



Hús og heim



Til sølu



Merkisdagar og minningarorð



Sjúkrarøktarfrøðingur til samdøgursrehabilitering í Norðoya Bú- og Heimatænastu


Skrivað hevur Norðoya Bú- og Heimatænasta 19.10.2017 - 23:48

Lýsing Lýs her...

Við ársbyrjan 2018 verður samdøgursrehabilitering sett á stovn í Sambýlinum á Heygnum. Hetta er nýggj tænasta, ið hevur til endamáls at veita fólkapensjónistum við førleikatarni eina tænastu, sum stuðlar undir eitt so sjálvstøðugt, virkið og innihaldsríkt lív sum gjørligt í egnum heimi – hóast virkisførleikatarn.

Rehabilitering er eitt miðvíst og tíðaravmarkað samstarv millum borgara, familju og serkøn fólk. Eldri borgarin er í miðdeplinum og setir sjálvur mál fyri rehabiliteringina, eins og fakfólk taka støði í gerandisvirkseminum hjá eldra borgaranum. Í rehabiliteringstilgondini verður dentur lagdur á alla lívstøðuna hjá borgaranum, bæði likamliga, sálarliga og sosialt.

Í hesum sambandi sóknast vit eftir sjúkrarøktarfrøðingi, sum saman við einum toymi fer at samskipa samdøgursrehabiliteringina fyri teir borgarar, ið verða ávístir til hesa tænastu í Sambýlinum á Heygnum. Virksemið er nýtt, og tí mást tú tola at vera í eini tilgongd, har broytingar møguliga verða gjørdar.

Vit sóknast eftir
Sjúkrarøktarfrøðingi við setanarbrøki 0,5 at byrja 01.01.2018. Møguleiki er fyri hægri brøki.

Arbeitt verður yrkadagar í dagtímunum.

Á Sambýlinum á Heygnum eru 16 pláss, tvey av hesum verða sett av til samdøgursrehabilitering.

Virksemið hjá NBH byggir á visjónina, sum er soljóðandi:

  • NBH strembar eftir at skapa fjøltáttaðar møguleikar fyri nærveru, eldru borgarum, avvarðandi og starvsfólkum at gagni.
  • NBH vil raðfesta fleksibilitet og samskapan í teimum loysnum, ið framyvir skulu finnast á eldraøkinum.
  • Fyritreytin er eitt hugvekjandi øki, sum er grundað á álit, høgt fakligt støði og virðing.


Førleikakrøv

  • Útbúgving og autorisatión sum sjúkrarøktarfrøðingur
  • Áhuga í at arbeiða við rehabilitering
  • Góð samstarvs-, samskipanar- og samskiftisevni
  • Evni at arbeiða sjálvstøðugt
  • Vilja og evni at virka í einum tvørfakligum toymi
  • Virkisfýsni og áhuga í at menna tænastuna
  • Fleksibilitet í mun til at loysa arbeiðsuppgávur
  • Royndir innan eldraøkið kann vera ein fyrimunur


Vit kunnu bjóða
Eitt jaligt, framtakshugað og spennandi arbeiðspláss, sum í einum samstarvi tvørtur um fak og geirar leggur dent á at stuðla eldri borgarum í at megna sín gerandisdag.

Góðar umstøður og fjølbroyttar avbjóðingar, har tú fært møguleika at seta tín dám á og vera partur av menningini av samdøgursrehabiliteringini.

Lønar- og setanartreytir
Lønar- og setanartreytir eru sambært galdandi sáttmála millum Fíggjarmálaráðið, Kommunala Arbeiðsgevarafelagið og Felagið Føroyskir Sjúkrarøktarfrøðingar.

Nærri kunning um starvið fæst við at venda sær til Meibritt Djurhuus, deildarleiðara, á tlf. 793410.

Umsókn, við avritum av prógvum, autorisatión v.m., verður at senda til nbh@nbh.fo ella Norðoya Bú- og Heimatænastu, Nólsoyar Pálsgøta 32, Postsmoga 2, FO-710 Klaksvík.

Umsóknarfreistin til starvið er á middegi týsdagin 7. november 2017.

Lýsing Lýs her...