Úr myndasavninum



Úr videosavninum



Kunngerðir



Hús og heim



Til sølu



Merkisdagar og minningarorð



Svartar vísur - og nakrar hvítar


Skrivað hevur Jóhann Lutzen 09.08.2017 - 18:14

Lýsing Lýs her...
Í samband við Summarfestivalin, verður framsýningin ”Svartar vísur – og nakrar hvítar”, hjá listamanninum Anker Eli Petersen, sýnd í Spaniastovu í Klaksvík. Framsýningin letur upp tann 10. august, kl. 17 – 20 , og er opin fram til tann 30. august

Anker Eli hevur seinastu árini tikist við at umseta vísur hjá svenska vísuyrkjaranum Dan Andersson (1888 – 1920).
Á framsýningini verða nakrar illustratiónir úr yrkingasøvnunum ”Kolvaktarens Visor” frá 1915 og ”Svarta Ballader” frá 1917.

Tá Anker Eli var farin undir at gera framsýningina, fekk hann til uppgávu at prýða húsan til nýggju fløguna ”Dagur legst at degi” hjá Eyðun Nolsøe. Hann avgjørdi tí at leggja tingini saman og gera eina lítla framsýning við illustr...atiónum av yrkingunum hjá Eyðun Nolsøe og Dan Andersson.
Hóast 100 ár á muni, passar dapri dámurin í Dan Andersson vísunum, væl sum kontrast til okkara meira lættlynta Eyðun Nolsøe. Báðir yrkjararnir ferðast víða í evnisvali – og hava báðir eitt, ikki heilt einfalt, forhold til kvinnurnar og kærleikan. Tveir poetiskir vallarar í hvør sínum heimi og við einari øld ímillum sín, men ávís ting eru sum kunnugt alment galdandi til allar tíðir.

Signhild Johannesen, forkvinna í Mentanarnevndini, setur framsýningina tann 10. aug. frá kl. 17.
Kim Hansen, Kaj Johannesen og Eyðun Nolsøe framføra nakrar vísur av Dan Andersson og nøkur av løgunum frá nýggju fløguni hjá Eyðuni. Høvið verður at hitta listamannin.

Lættari ábit. Øll eru vælkomin á fernisering.

Lýsing Lýs her...