Tað verður norski Espen Haug, sum stendur á odda fyri KÍ-liðnum í kvøld. Tí verða helst onkrar broytingar bæði taktiskt og við leikaravali hjá KÍ, sum kemur at spæla í nýggju hvítu útivallarblusunum.

Umframt langtíðarskaddu leikararnar, so eru Mads B. Mikkelsen og Deni Pavlovic ikki tøkir, meðan ivamál er um Patrick Da Silva. Cedric Yambere og Claes Kronberg vóru í hópinum seinast og komu inn. Teir væntast tøkir til størri leiklut hesaferð.

Hjá EB/Streymi hevur Boubacar Dabo verið skaddur seinastu dystirnar.

Dysturin við Margáir byrjar kl. 18.00. Dómari verður Bjarki Danielsen.