Norðoyastevnuteitið farið á flog
Tað góða gamla Norðoyastevnuteitið aftur á skrá og hevur nógv ymiskt at bjóða
Tað er helst ikki heilt rætt at endurgeva alt, tú mást sjálv/ur uppliva tað, men har er nógv gott, og onkrir av kendu leiklutunum eru aftur at síggja í ár.
Treyðugt so, Tesla-scannarin fær sítt, gongd í haga og Høgni, fótbólturin, Norðlýsið og øll hini fáa sítt. Sjálvandi fær Skorheim ein “vals” eisini.
Scannarin brúkar so nógva el-orku, verður sagt, at portørarnir verða settir at súkkla í kjallaranum, fyri at fáa nóg mikið av orku.
Pál Weihi, sum júst var komin úr flúgvaranum sunnaneftir, fekk sitt fyri í “Degi og viku” um hvussu gott ella ringt tað var at vera sunnanfyri í allari sólini. Men tað fekk hann eisini greitt við sínum orðasnildni.
Okkara kæri “VeðurHanus” fekk sítt fyri við eini fittari veðurforsøgn, sum hann greiddi bara væl.
Jú, eitt hugnaligt tiltak og leikur, sum má og eigur at vera á Norðoyastevnu, og sum tú mást síggja, fyri at gera tær tínar egnu metingar og flenna hareftir.
Norðoyastevnuteitið verður í Spinnarínum hesar tíðir:
Fríggjadag 24. mai kl.19 og 21
Leygardag 25. mai kl. 19 og 21
Mikudag 29. mai kl.19 og 21
Fríggjadag 31. mai kl.19 og 21
Leygardag 01. juni kl.19