TARIRA enn eina frálíka konsert í Varpinum
TARIRA vann heiðurin sum Føroya besta kórið á kórfestivalinum, ið varð hildin í Varpinum í apríl í ár.
Í kvøld kl. 20 varð so aftur høvið at hoyra TARIRA í Varpinum, hesaferð við eini heilari konsert.
Stuttligt, deiligt og læruríkt at hoyra eina so góða konsert við einum so góðum kóri í einum so - til høvið - væl egnaðum og ljóðgóðum høli! Perfekt!
Kóriði eru ávegis til Londan at hava konsert fyrist í juni.
Á skránni í kvøld var føroyskur kórtónleikur, umframt renaissansutónleikur. Føroysku tónaskøldini Kári Bæk, Sunnleif Rasmussen, Pauli í Sandagerði, Tróndur Bogason, Unn Patursson høvdu skrivað tóneikin og Anne Mette Greve Klemensen, sum syngur við kórinum hevði sín tónleik við.
Kórleiðari var Bernharður Wilkinson, ið, sum so mong onnur, fegnaðist hann saman við kórinum um frálíka tónleikahølið, høllin í Varpinum var.
Tarira verður ynskt góða ferð til London!