Black Friday

Úr myndasavninum



Úr videosavninum



Hús og heim



Til sølu



Merkisdagar og minningarorð



Vísindavøka á ferð í Kunoy


Skrivað hevur Tíðindaskriv 14.09.2017 - 08:25

Lýsing Lýs her...

Mánakvøldið 18. september kl. 20 heldur Sunnvør Klettskarð í Kongsstovu fyrilestur í Bygdarhúsinum í Kunoy

Heitið á fyrilestrinum er Arvafrøði sum amboð í fiskivinnuni

Í fyrilestrinum verður umrøtt, hvussu arvafrøðilig amboð, ið verða nýtt til at kanna menniskju, eisini kunnu nýtast til at kanna fisk, og hvussu úrslitini kunnu nýtast í umsiting av fiskivinnuni.

Endamálið við verkætlanini er at kortleggja arvaeginleikarnar hjá sild og finna arvaliga munin á fýra ymiskum sildastovnum. Hendan vitanin skal brúkast til stovnsumsiting og menning av burðardyggum fiskiskapi.

Sunnvør Klettskarð í Kongsstovu er tekniskur studentur (HT) frá Tekniska skúla í Klaksvík. Hon er útbúgvin BSc í Cell and Molecular Biology frá Heriot-Watt University í Edinburg og MSc í Human Molecular Genetics frá Imperial College í London.

Granskingarerkætlanin er skipað sum ein vinnu-PhD hjá Amplexa Genetics A/S og fer fram á granskarasetrinum iNOVA.

Stuðlað verkætlanini hava Granskingarráðið, Fiskivinnuroyndir, Felagið Nótaskip, Statoil Føroyar og Innovationsfonden í Danmark.

Hjartaliga væl komin í Bygdarhúsið í Kunoy til fyrilestur og góðan kaffimunn.

Lýsing Lýs her...