Klaksvíkar Sjúkrahús Fysio- og ergoterapideildin

Søkt verður eftir 1 ergoterapeuti til í barsilsfarloyvisstarv frá 01.12.26 til 31.12.27 ella eftir nærri avtalu. Lønarbrøkurin er 0,75.

Á Klaksvíkar Sjúkrahúsi eru 22 seingjarpláss, harav ein rehabiliteringseind við 9 seingjarplássum. Á fysio- og ergoterapideildini starvast 17 starvsfólk, 2 ergoterapeutar, 11 fysioterapeutar, 1 heilsurøktari, 1 psykomotoriskur terapeutur, neurosálarfrøðingur og logopedur. Bandagisttænastan Sahva er eisini knýtt at deildini.

Saman við seingjardeildini skipar fysio- og ergoterapideildin fyri rehabilitering til innlagdar sjúklingar, og uppfylgjandi rehabilitering eftir tørvi. Umframt hetta eru ymisk viðgerðartilboð staðsett á Klaksvíkar Sjúkrahúsi, so sum rehabilitering til fólk við seinheilaskaða, giktasjúkum, sclerosu, endurvenjing eftir skurðviðgerð, so sum hondkirurgi og ortopedkirurgi sum heild.

Krav:

• Góðkenda útbúgving og autorisatión sum ergoterapeutur

Vit vænta at tú:

• hevur holla vitan og kunnleika um fakøkið
• dugir væl at samskifta í skrift og talu

• hevur góð evni at samstarva og samskipa, eisini tvørtur um fakøkir
• hevur evnir at arbeiða sjálvstøðugt, í toymi og við bólkum
• ert álítandi, ábyrgdarfull/-ur og fyrikomandi
• ert fleksibul og sært møguleikar framum forðingar
• hevur ein hugburð, sum stuðlar góðum trivnaði og góðum arbeiðsumhvørvi.

Lønar- og setanartreytir eru sambært sáttmála millum Fíggjarmálaráðið og Ergoterapeutfelag Føroya.

Vit bjóða:

• eina væl útgjørda fysio- og ergoterapi, við fakligheit á høgum støði
• eitt dynamiskt arbeiðsumhvørvi
• eitt tvørfakligt umhvørvi
• eitt arbeiðsumhvørvi, ið setur prís uppá góðar sosialar relatiónir.

Ynskir tú at vita meira um starvið, ert tú vælkomin at seta teg í samband við Benadictu Sólheim Ellingsgaard, telefon 235467, ella teldupost benadicta@ks.fo

Umsókn, saman við avriti av prógvi og CV, skal sendast til: umsokn@ks.fo

Umsóknarfreistin er 02.10.26.

Á heimasíðu okkara www.ks.fo kanst tú lesa um okkara visjón, missión og strategimál undir leinkjuni ”Sjúkrahúsið”.

Sjúkrahúsverkið fevnir um tey trý sjúkrahúsini Landssjúkrahúsið, Klaksvíkar sjúkrahús og

Suðuroyar sjúkrahús. Okkara uppgáva er at veita øllum dygdargóðar heilsutænastur, ið fevna frá gitnaði til seinastu fráferð.

Vit eru trý sjúkrahús, sum samskifta, virka og skapa eftir felags virðum. Í Sjúkrahúsverkinum vísa vit virðing fyri sjúklingunum, avvarðandi og starvsfólki, og miða altíð eftir at veita rættstundis sjúkugreinan og viðgerð við skipaðum sjúklingagongdum.

Sjúkrahúsverkið er eitt fjølbroytt arbeiðspláss, har virðini stev, áræði og flog, eru okkara kumpass, sum vit brúka í okkara yrki í gerandisdegnum. Í Sjúkrahúsverkinum starvast út við 1.200 starvsfólk innan 30 ymiskar fakbólkar