Starvsfólk til Sjúkraflutningstænastuna á Klaksvíkar Sjúkrahúsi
Sjúkraflutningstænastan er ein deild við nógvum ymiskum uppgávum. Ein av høvuðsuppgávunum er at veita bráðfeingishjálp í sambandi við lívbjargandi arbeiði. Harnæst er uppgávan flutningur av sjúkum, skaddum og rørslutarnaðum. Eisini hevur Sjúkraflutningstænastan ábyrgd av øllum portørarbeiði, ið er á sjúkrahúsinum og Norðoya Røktarheimi. Alt hetta setir stór krøv til starvsfólkið, sum mangan kemur at arbeiða undir serstøkum umstøðum. Tætt samstarv er eisini millum sjúkraflutningstænasturnar í sjúkrahúsverkinum.
Ábyrgdarøkið hjá Sjúkraflutningstænastuni á Klaksvíkar Sjúkrahúsi er Norðoyggjar. Her starvast í løtuni 9 fólk. Deildin hevur 4 bilar, íroknað 2 sjúkrabilar. Arbeitt verður í skiftandi vaktum.
Vit væntað, at tú:
- ert tænastusinnað/ur, fyrikomandi, hevur góð samstarvsevni og lætt við at umgangast fólk.
- sært avbjóðingar fram um avmarkingar
- hevur evni til at orða teg væl, bæði munnliga og skrivliga
- tekur ábyrgd, dugir at umstilla teg og arbeiðir sjálvstøðugt
Førleikakrøv:
- hevur koyrikort (Bólk B og C)
- hevur prógv í 1. hjálp ella líknandi skeið
- fyrimunur er at hava arbeitt í sjúkraflutningstænastu
- likamliga sterk/ur
- telduførleika á brúkarastøði
Í sambandi við starvsfólkapolitikkin og virðisgrundarlagið hjá Sjúkraflutningstænastuni skal tann, ið settur verður, lúka øll krøv, ið tænastan krevur.
Lønar- og setanartreytir sambært sáttmála millum Fíggjarmálaráðið og Starvsfelagið, sjúkraflutningstænastuna.
Nærri fæst at vita um starvið við at venda sær til Allan Joensen, leiðara fyri sjúkraflutningstænastuna, á telduposti allan@ks.fo
Umsókn við avrit av prógvum v.m., verður at senda til umsokn@ks.fo.
Umsóknarfreistin er týsdagin, 14. des. 2021.
29. apr 2024
28. apr 2024
7. mai 2024
30. apr 2024