Klaksvíkar Sjúkrahús søkir eftir einum dugnaligum og ágrýtnum starvsfólki til teknisku- og maskindeildina at byrja 1. desember 2022 ella eftir nærri avtalu.

Hevur tú gott handalag, og ert tú til reiðar at nýta títt tekniska know-how? So er hetta møguliga eitt starv fyri teg.

Um deildina

Talan er um eitt spennandi fulltíðarstarv, har tú kemur út í allar krókar á sjúkrahúsinum. Tú kemur at fáa ein gerandisdag saman við nógvum dugnaligum starvsfólkum, sum hava starvast á Klaksvíkar Sjúkrahúsi í mong ár. Uppgávurnar er nógvar og ymiskar, og kemur tú at loysa tær í einum tøttum samstarvi við tínar starvsfelagar.

Arbeiðsøkið hjá deildini er at tryggja dagliga raksturin og viðlíkahaldið av bygningum, bygningslutum og tekniskari útgerð. Harumframt tekur deildin sær av, at:

  Góðskutryggja maskinur og útgerð, umframt eftirlit við uttanhýsis serviceveitarar
  Viðlíkahalda og umvæla maskinur, el og útgerð av ymiskum slag
  Umsita og viðlíkahalda hitamiðstøðina, ventilatiónsskipan og luft-gassskipan
  Samskipa verkætlanir í sambandi við umvæling og nýgerð
  Ymiskt fyrifallandi arbeiði Tú ert:
  Ábyrgdarfull(ur)
  Góðskutilvitað(ur)
  Samstarvssinnað(ur)
  Fíggjarliga umhugsin
  Dugir væl at skipa títt arbeiði og tína tíð
  Tolir at arbeiða undir trýsti
  Villig(ur) til at eftirútbúgva teg her í Føroyum og uttanlanda
  Villig(ur) til at ganga inn í tilkallivaktarskipan

Førleikar:
  Góðar tekniskar førleikar
  Góðar praktiskar royndir
  Góðar royndir við samskipan av verkætlanum
  Koyrikort

Klaksvíkar Sjúkrahús brúkar CTS Stýrisskipan.
Lønar- og setanartreytir eru sambært sáttmála millum Fíggjarmálaráðið og avvarðandi fakfelag.

Um tú ynskir at vita meira um starvið, ert tú vælkomin at seta teg í samband við Regin Olsen, leiðara á telefon 214480.

Umsókn við avriti av prógvi og møguligum viðmælum skal sendast til: umsokn@ks.fo Umsóknarfreistin er sunnudagin 25. september 2022.

Vit gleða okkum at móttaka tína umsókn.