Hevur tú nakað upp á hjarta – og hug at bera tað fram fyri øðrum?

Norðlýsið leitar eftir nýggjum vertum til poddvarpssendingar. Vit ynskja at menna eitt fjølbroytt og livandi útboð av sendingum, sum taka støði í lokalsamfelagnum í Norðoyggjum – og vit hava brúk fyri tær.

Vit leita eftir vertum til ymisk sløg av sendingum:

• Kjaksendingar
  Har luttakarar – ofta úr lokalsamfelagnum – skifta orð um aktuell og viðkomandi evni.
• Ítróttasendingar
  Frásagnir, kjak og samrøður um kappingar, úrslit, feløg og ítróttafólk.
• Frásagnir frá tiltøkum
  Beinleiðis ella upptiknar sendingar frá størri tiltøkum, so sum Norðoyastevnu, Summarfestivalinum, Sjómannadegnum, Torradøgunum, Grækarismessu, Flaggdegnum og øðrum mentanartiltøkum, konsertum og fyrilestrum.
• Ungdómssendingar
  Har ung framleiða innihald til onnur ung.
• Tónleikasendingar
  Við rúmi fyri ymiskum tónleiki – eisini við denti á lokalar tónleikarar og útgávur.
• Søguligar sendingar
  Um søgu, hendingar og persónar, sum hava havt týdning fyri lokalsamfelagið.
• Vinnuligar sendingar
  Um vinnugreinar, fyritøkur, menning og framtíðarútlit.
• Andaligar sendingar
  Har kirkjur og samkomur fáa møguleika at koma til orðanna.

Vit vænta, at tú:

• Hevur áhuga fyri einum ella fleiri av omanfyri nevndu økjum
• Dugir at samskifta greitt og áhugavert
• Hevur hug at arbeiða sjálvstøðugt og taka ábyrgd
• Er opin fyri samstarvi og menning av innihaldi
  Royndir innan miðlar eru ein fyrimunur, men ikki eitt krav.

Vit bjóða:

• Ein pall at bera fram tíni áhugamál og hugsjónir
• Møguleika at seta tín dám á lokala miðlaumhvørvið
• Vegleiðing og stuðul í framleiðsluni
• Eitt spennandi og fjølbroytt samstarv
• Løn eftir avtalu

Hevur hetta tín áhuga?

So vilja vit fegin hoyra frá tær. Send eina stutta umsókn á johann@nordlysid.fo , har tú greiðir frá tær sjálvum og hvørja sending tú kundi hugsað tær at staðið á odda fyri.

Set teg í samband við Norðlýsið á tlf 221991 fyri nærri kunning.