Um størvini:

1 starv 40 tímar um vikuna at arbeiða í Eysturoy og Norðoyggjum
1 starv 40 tímar um vikuna at arbeiða í Suðurstreymoy, Sandoy og Vágum
Størvini eru til setan 1. februar 2019 ella eftir nærri avtalu.

Størvini fevna um:

• Heilsufakliga kostráðgeving og dietviðgerð eftir ávísing frá kommunulækna
• Einstaklingaráðgeving til vaksin við typu 2 diabetes, prediabetes, hjarta-æðrasjúku, KOL, maga- og tarmtrupulleikum, trupulleikum av ovurfiti og føðslutroti
• Einstaklingaráðgeving til børn, ið viga ov nógv ella eru í ringum trivnaði
• Roknað verður eisini við, at tú kanst stíla fyri undirvísing fyri sjúklingum, sum hava tørv á tí í samband við kostviðgerðina
• Ráðgeving í mun til fakligar fyrispurningar frá kommunulæknum, borgarum og øðrum, ið hava kostfrøðiligar spurningar
• Uppsøkjandi arbeiði í sambandi við starvið
• Kostviðgerðin og sjúkugongdin verða skrásett í Cosmic (talgildu heilsuskipanini)

Endamálið við hesi tænastu er, at kostráðgevingin verður veitt so tætt at borgaranum sum gjørligt. Roknast kann tí við nakað av koyring sum liður í arbeiðinum.

Tað er ein treyt, at umsøkjararnir eru sinnaðir at virka í einum toymi av kliniskum dietistum, sum longu virka í restini av landinum. Dentur verður lagdur á at uppbyggja heilsufakligu kostráðgevingina í Føroyum, og tí mugu tey, ið verða sett, vera fús at samstarva við aðrar starvsbólkar í heilsuverkinum.

Førleikakrøv:

• Útbúgving og løggilding sum kliniskur dietistur
• Hevur hug at menna kostráðgevingina í Føroyum
• Hevur góð evni at samskifta bæði á skrift og í talu
• Dugir at síggja møguleikar og kann gera hugskot til veruleika
• Hevur góð evni at arbeiða sjálvstøðugt og saman við øðrum
• Hevur evni at laga teg til broytingar
   

Vit bjóða:

• Eitt krevjandi og fakliga kveikjandi starv
• Eitt fjølbroytt og mennandi starv
• Eitt starv við møguleikum fyri fakligari og persónligari menning
   

Lønar- og setanartreytir

Størvini verða sett sambært sáttmálanum millum Kost- og føðslufelagið og Fíggjarmálaráðið.

Størvini verða sett undir Heilsutrygd í eini skiftistíð, og mugu umsøkjarar tola broytingar í setanarviðurskiftunum.

Umsókn við prógvum, CV og øðrum viðkomandi skjølum verður at senda til heilsutrygd@heilsutrygd.fo ella til Heilsutrygd, Postsmoga 52, Klaksvíksvegur 7, FO-700 Klaksvík

Umsóknir skulu verða Heilsutrygd í hendi í seinasta lagi mikudagin 2. januar 2019 kl. 12.00.

Meiri fæst at vita við at venda sær til Anitu Højgaard, kliniskan dietist á tlf. 793033 ella Petur Martin Hansen, leiðslufulltrúa á tlf. 794003.