Fíggjarleiðari til Vága Floghavn

Vága Floghavn sóknast eftir umsitingarleiðara at byrja skjótast gjørligt.

 

Starvið

Tú kemur at hava ábyrgd av fíggjarstýringini hjá Vága Floghavn. Hetta inniber at hava ábyrgd av øllum fyrisitingarligum uppgávum, bókhaldinum, hagtølum, við meira. Arbeiðsstaðurin er á flogvøllinum.

 

Umsøkjarin

Tú hevur útbúgving frá hægri lærustovni og royndir innan fíggjarstýring og roknskap. Vit vænta, at tú hevur góð leiðslu- og samstarvsevni og hevur teldukunnleika til vanligu office forritini og Navision. Tú dugir at arbeiða sjálvstøðugt og arbeiðir málrættað. Eisini megnar tú at orða teg væl munnliga og skrivliga á føroyskum, norðurlendskum og enskum.

 

Treytir

Starvið er avbjóðandi við góðum møguleikum fyri persónligari og fakligari menning.

Fíggjarleiðarin hevur stóra ávirkan á egin viðurskifti og menningina á Vága Floghavn. Fíggjarleiðarin vísir beinleiðis til stjóran og er partur av leiðsluni. Løn sambært avtalu.

 

Umsóknir

Nærri upplýsingar um starvið kunnu fáast við at venda sær til Gudny Langgaard, stjóra, á telefon 78 44 00, ella við at skriva teldupost til gula@fae.fo. Allar umsóknir verða viðgjørdar í trúnaði.

Umsóknir skulu vera okkum í hendi seinast 13. januar 2019.

 

Umsóknin skal sendast til:

Vága Floghavn P/F

Flogvøllurin

380 Sørvágur

 

Viðmerkt: Fíggjarleiðar

Ella sum teldupost til umsokn@fae.fo

 

Vága Floghavn er loftvegis portrið í Føroyum fyri ferðandi til og frá útheiminum. Vága Floghavn varð yvirtikin av Føroya Landsstýri frá danska statinum í 2007, og verður rikin sum sjálvstøðugt partafelag, sum Føroya Landsstýri eigur. Vága Floghavn er í eini menningartilgongd og hevur havt stóran vøkstur í ferðafólkatali seinastu árini, eftir at lendingarbreytin varð longd, og nýggj Farstøð varð bygd. Hjá Vága Floghavn starvast 40 fólk, meðan tað hjá øllum virkjum, sum halda til á flogvøllinum, starvast út ímóti 200 fólk.   

 

 

Aftur
Stjóri til Landsverk
Umsóknarfreist:
28. jun 2019
Fíggjarleiðari til IRF
Umsóknarfreist:
24. jun 2019
Heilsuhjálpari til Sambýlið í Bøgøtu - f…
Umsóknarfreist:
8. jul 2019
Húsavørður til dagstovnaøkið í Klaksvíka…
Umsóknarfreist:
27. jun 2019
Starvs­fólk við heilsufakligari útbúgving…
Umsóknarfreist:
15. jul 2019
Ert tú okkara nýggja sølufólk?
Umsóknarfreist:
24. jun 2019
Stuðulsstørv í Skúlanum í Eystur­kommunu
Umsóknarfreist:
28. jun 2019
Farloyvisstarv Umsitingarleiðari til Sjó…
Umsóknarfreist:
2. jul 2019