Sjúkrarøktarfrøðingur í farloyvisstarv á Norðoya Røktarheim, Niðristova

Vit sóknast eftir

Sjúkrarøktarfrøðingi í farloyvisstarv á setanarbrøki 0,5, frá 1. mars 2019 (ella so skjótt til ber til) – 31. januar 2020.

Høvuðsendamálið við starvinum er – í tøttum samstarvi við deildarleiðaran – at tryggja dygdargóða sjúkrarøkt við støði í tørvi og ynskjum hins einstaka.

Arbeitt verður í dagvaktum og 6. hv. vikuskifti.

Á Norðoya Røktarheimi búgva 28 fólk á tveimum eindum, Uppstova og Niðristova. Starvið er staðsett á Niðristovu.

 

Førleikakrøv og karmar

Til starvið krevst autorisatión og útbúgving sum sjúkrarøktarfrøðingur.

Vit vænta, at tú hevur góð evni at samskifta og samskipa, eins og vilja og evni til at virka í einum tvørfakligum toymi. Útbúgving og royndir innan eldra- og demensøkið kunnu vera ein fyrimunur.

Vit kunnu bjóða eitt arbeiðspláss við góðum kørmum og nógvum sjúkrarøktarfakligum avbjóðingum.

Virksemið hjá Norðoya Bú- og Heimatænastu, NBH, tekur støði í nærveru, fleksibiliteti og høgum fakligum støði. Hesi virði síggjast aftur í visjónini fyri NBH, sum er soljóðandi:

-       NBH strembar eftir at skapa fjøltáttaðar møguleikar fyri nærveru, eldru borgarum, avvarðandi og starvsfólkum at gagni.

-       NBH vil raðfesta fleksibilitet og samskapan í teimum loysnum, ið framyvir skulu finnast á eldraøkinum.

-       Fyritreytin er eitt hugvekjandi øki, sum er grundað á álit, høgt fakligt støði og virðing.

 

Lønar- og setanartreytir:

Lønar- og setanartreytir eru sambært galdandi sáttmála millum Fíggjarmálaráðið, Kommunala Arbeiðsgevarafelagið og Felagið Føroyskir Sjúkrarøktarfrøðingar.

Nærri kunning um starvið fæst við at venda sær til Monicu Ziska, deildarleiðara, á tlf. 793430 ella við telduposti til monicaz@nbh.fo.

Umsókn, við avritum av prógvum, autorisatión v.m., verður at senda til nbh@nbh.fo ella Norðoya Bú- og Heimatænastu, Nólsoyar Pálsgøta 32, Postsmoga 2, FO-710 Klaksvík.

 

Umsóknarfreistin til starvið er á middegi mánadagin 18. februar 2019.

 

 

 

 

 

Aftur
Løgfrøð­ingur til Barna­verndar­stovu Føroy…
Umsóknarfreist:
23. okt 2019
P/­F GRANT søkir handverkara at viðlíkaha…
Umsóknarfreist:
20. okt 2019
FÖRKA søkir eftir tøkningi til biogassve…
Umsóknarfreist:
21. okt 2019
Søkt verður eftir hárðfríðkara ella hjál…
Umsóknarfreist:
23. okt 2019
BAKKAFROST søkir eftir KT-tøkningi
Umsóknarfreist:
20. okt 2019
BAKKAFROST søkir eftir KT-lærlingi
Umsóknarfreist:
20. okt 2019
Leiðari til sølu- og kundatænastuna hjá…
Umsóknarfreist:
31. okt 2019
Formaður til Eysturoynna
Umsóknarfreist:
25. okt 2019
Handverkari til smiðjuna á Lambareiði
Umsóknarfreist:
20. okt 2019
Rektari til Miðnám í Vestmanna
Umsóknarfreist:
25. okt 2019