Lærarastørv á Kambsdali

Samanlagt er talan er seks lærarastørv.

Tímar eru serliga í hesum lærugreinum:
Enskum, føroyskum, støddfrøði og virkisbúskapi

Avloysaratímar og stakir tímar eru harumframt i hesum lærugreinum:
Tónleiki, vinnulívsrætti, latíni, fígging

Størvini verða sett út frá eini heildarmeting av fakligum førleikum, faksamanseting og persónligum førleikum.

 

Útbúgving og royndir 

Tann, ið settur verður, skal hava kandidat- ella masterútbúgving á 300 ects frá lærdum háskúla ella aðra samsvarandi útbúgving sambært førleikakunngerð fyri lærarar á gymnasialu miðnámsútbúgvingunum.

Umsøkjarar, sum ikki hava námsfrøðiliga útbúgving fyri miðnámsskúlalærarar, skulu vera sinnaðir at fara undir hesa skjótast møguligt.

Viðkomandi undirvísingarroyndir eru ein fyrimunur. 

 

Persónligir førleikar 

Í setanartilgongdini verður dentur lagdur á førleikarnar:
• at skapa og menna eitt gott og mennandi samband við næmingar og starvsfelagar
• at bera fram fakliga vitan á ein áhugaverdan og skiljandi hátt
• at leiða og leggja til rættis undirvísingarstøðuna
• at sýna ein positivan hugburð til ungdóm, vitan og læru og áhuga at taka virknan lut í menningini av Miðnámi á Kambsdali

Harafturat verður dentur lagdur á:
• at tú hevur góðar málsligar førleikar, bæði teir munnligu og skrivligu
• at tú hevur góðar KT førleikar

 

Setanarviðurskifti 

Størvini verða sett sambært sáttmála millum Yrkisfelagið Miðnám og Fíggjarmálaráðið.

 

Umsókn 

Umsókn saman við prógvum og CV skal vera skúlanum í hendi í seinasta lagi 26. apríl 2019. Umsóknir skulu sendast til ums@kambsdalur.fo.

Spurningar um størvini kunnu setast Páll Isholm, rektara, á pai@kambsdalur.fo.

Nærri kunning um skúlan er at finna á www.kambsdalur.fo.

Aftur
Sjúkrarøktar­frøðing til samdøgursrehabil…
Umsóknarfreist:
17. jun 2019
Fíggjarleiðari til IRF
Umsóknarfreist:
21. jun 2019
Starvs­fólk til dagrøkt­ina í Viðareiðis k…
Umsóknarfreist:
17. jun 2019
Námsfrøðiligt starvs­fólk til Nám
Umsóknarfreist:
19. jun 2019
Samskipari til SMS
Umsóknarfreist:
17. jun 2019
Stuðulsstørv í Skúlanum í Eystur­kommunu
Umsóknarfreist:
28. jun 2019
Stjóri til Landsverk
Umsóknarfreist:
28. jun 2019
Farloyvisstarv Umsitingarleiðari til Sjó…
Umsóknarfreist:
2. jul 2019
Ert tú okkara nýggja sølufólk?
Umsóknarfreist:
24. jun 2019
Húsavørður til dagstovnaøkið í Klaksvíka…
Umsóknarfreist:
27. jun 2019