Sjúkrarøktarfrøðing til samdøgursrehabilitering

Okkum tørvar ein sjúkrarøktarfrøðing at samskipa samdøgursrehabilitering á Sambýlinum á Heygnum. Tænastan verður løgd til rættis í einum tvørfakligum toymi saman við ergoterapeutum, fysioterapeutum og røktarstarvsfólki.

Nærri kunning um samdøgursrehabilitering fæst her: https://nbh.fo/samdoegursrehabilitering/.

 

Vit sóknast eftir

Sjúkrarøktarfrøðingi við setanarbrøki 0,7 at byrja 01.09.2019 ella eftir nærri avtalu.  

Arbeitt verður yrkadagar í dagtímunum, frí í vikuskiftunum.

 

Førleikakrøv og karmar

Starvið krevur útbúgving og autorisatión sum sjúkrarøktarfrøðingur, eins og breiðar kliniskar royndir.

Vit vænta, at tú hevur áhuga í at arbeiða við rehabilitering í samstarvi tvørtur um fak og geirar, sum treytar, at tú hevur góð evni at samskifta, samskipa og sjálvstøðugt megnar at leggja arbeiðsgongdir til rættis.

Tænastan er í støðugari menning. Tú mást tí tola at vera í eini broytingartilgongd, har virkisfýsni og fleksibilitetur eru neyðugir førleikar.

Vit kunnu bjóða tær eitt spennandi starv við sera nógvum fakligum avbjóðingum og góðari innleiðslu til starvið.

Vit kunnu somuleiðis bjóða tær eitt jaligt og framtakshugað arbeiðspláss við góðum kørmum, har tú fært møguleika fyri at seta tín dám á og vera partur av menningini av samdøgursrehabiliteringini, sum leggur dent á at stuðla heimabúgvandi fólkapensjónistum í at megna gerandisdagin.

Visjónin, sum virksemið hjá NBH tekur støði í, er soljóðandi:

-          NBH strembar eftir at skapa fjøltáttaðar møguleikar fyri nærveru, eldru borgarum, avvarðandi og starvsfólkum at gagni.

-          NBH vil raðfesta fleksibilitet og samskapan í teimum loysnum, ið framyvir skulu finnast á eldraøkinum.

-          Fyritreytin er eitt hugvekjandi øki, sum er grundað á álit, høgt fakligt støði og virðing.

 

Lønar- og setanartreytir

Lønar- og setanartreytir eru sambært galdandi sáttmála millum Fíggjarmálaráðið, Kommunala Arbeiðsgevarafelagið og Felagið Føroyskir Sjúkrarøktarfrøðingar.

Nærri kunning um starvið fæst við at venda sær til Sólgerð Vang, deildarleiðara, á tlf. 793410 ella við telduposti solgerdv@nbh.fo.

Umsókn, við avritum av prógvum, autorisatión v.m., verður at senda til nbh@nbh.fo ella Norðoya Bú- og Heimatænastu, Nólsoyar Pálsgøta 32, Postsmoga 2, FO-710 Klaksvík.

Umsóknarfreistin til starvið er á middegi mikudagin 31. juli 2019.

Aftur
Sjúkrarøktar­frøðing til samdøgursrehabil…
Umsóknarfreist:
31. jul 2019
Bakkafrost søkir eftir maskin­fólki til s…
Umsóknarfreist:
29. jul 2019
MT Højgaard Føroyar søkir eftir verkætla…
Umsóknarfreist:
22. jul 2019
Námsfrøð­ingar til Korndalsgarð
Umsóknarfreist:
30. jul 2019
Samskiftisráðgevi til Mentamálaráðið
Umsóknarfreist:
19. aug 2019
Heilsurøktarar og heilsuhjálpari til Hei…
Umsóknarfreist:
31. jul 2019
Fulltrúi til Mentamálaráðið
Umsóknarfreist:
16. aug 2019
MT Højgaard Føroyar søkir eftir timburmo…
Umsóknarfreist:
22. jul 2019
Starvs­fólk til Húsið
Umsóknarfreist:
30. jul 2019
Bakkafrost søkir eftir maskin­fólki til s…
Umsóknarfreist:
29. jul 2019