Fiskiveiðieftirlitið søkir eftir eftirlitsfólki á landi

Eitt starv sum eftirlitsfólk á landi, verður hervið lýst leyst at søkja.

Um starvið

Starvið, sum eftirlitsfólk fevnir, m.a. um hesar uppgávur:

Eftirlit við landingum, avreiðingum og umskipingum í Føroyum.
At luttaka í øðrum eftirlitsarbeiði, ið tengt er at fiskivinnulóggavuni. Eisini saman við øðrum eftirlitsstovnum.
At luttaka í eftirlitsarbeiði saman við útlendskum myndugleikum samsvarandi avtalum um millumtjóða eftirlitssamstarv.
At luttaka í dagliga arbeiðinum á skrivstovuni.
Arbeiðstíðirnar eru skiftandi, og tann, ið settur verður, skal tola, at arbeiðstíðin verður tillagað arbeiðsuppgávuni. Eftirlitsarbeiðið gongur fyri seg um alt landið, og tí kann væntast nakað av ferðing í samband við arbeiðið.

Førleiki:

Góðan førleika at samskifta á føroyskum, norðurlendskum og enskum máli, bæði í skrift og talu.
Tú skal hava góð samstarvsevni, og hava evni at arbeiða sjálvstøðugt.
Koyrikort til persónbil.
Góðan telduførleika
Fiskivinnuútbúgving, ella onnur líknandi útbúgving, er ein fyrimunur, tó ikki ein treyt.

Setanarviðurskifti:

Talan er um eitt fulltíðarstarv, sum verður sett skjótast til ber. Løn og setanartreytir sambært sáttmála millum Fíggjarmálaráðið og Starvsmannafelagið. Starvið er lønt sambært lønarflokki V.

Setanarøkið fevnir um Fiskimálaráðið og deildir/stovnar undir tí, umframt hini aðalráðini og Løgmansskrivstovuna. Tænastustaðurin er í løtuni Fiskiveiðieftirlitið.

Tann ið verður settur, eigur at tola broytingar í starvinum, um so er, at økið verður umskipað til eisini at fevna um aðrar uppgávur í Fiskimálaráðnum.

Umsóknir :

Umsókn við avriti av prógvum, CV og møguligum viðmælum, skal vera Fiskiveiðieftirlitinum í hendi, í seinasta lagi 04. september 2019 kl. 12.00.

Umsóknirnar skulu sendast til:

VØRN/Fiskiveiðieftirlitið, postsmoga 1238, 110 Tórshavn. Ella sum teldupost til: journal@vorn.fo

(øll viðheft skjøl skulu vera í pdf-formati)

Nærri fæst at vita um starvið, við at venda sær til Fiskiveiðieftirlitið á tlf. 31 10 65 og tosa við Jóhan Simonsen, deildarstjóra ella Lis Magnussen, leiðsluskrivara.

Aftur
Sjúkrarøktar­frøðing og heilsurøktara til…
Umsóknarfreist:
16. mar 2020
Arbeiðs­fólk til grótbrotið
Umsóknarfreist:
28. feb 2020
Talgildur mennari til Betri Trygging
Umsóknarfreist:
5. mar 2020
2 farmakonomnæm­ingar til Tjaldurs Apotek…
Umsóknarfreist:
16. mar 2020
Deildarleiðari til Fiskaaling
Umsóknarfreist:
22. mar 2020
Lærlingur til Borg í Klaksvík
Umsóknarfreist:
9. mar 2020
Sjúkrarøktar­frøð­ingur til Heimið við Vág…
Umsóknarfreist:
18. mar 2020
Handilslærl­ingur til handilin í Klaksvík
Umsóknarfreist:
28. feb 2020
Pomek søkir eftir maskinsmiðulærlingum
Umsóknarfreist:
28. feb 2020
1. stýrimaður til Vørn
Umsóknarfreist:
4. mar 2020