Vilt tú vera við til at mynda dagstovnaøkið?

Klaksvíkar kommuna leitar eftir einum eldhugaðum samskipara til dagstovnaøkið at byrja
skjótast gjørligt í fulltíðarstarvi. Høvuðsuppgávan verður at tiltættarleggja og menna
dagstovnaøki, sum fevnir um børn í aldrinum frá 0 ár til og við 2. skúlaflokk.


Talan er um eitt tíðaravmarkað starv í eitt ár.


Starvsinnihald
Sum samskipari verður tú partur av fakliga toyminum á trivnaðardeildini, og kemur at
hava ein týðandi leiklut í menningini av dagstovnunum í Klaksvíkar kommunu, til frama
fyri umleið 500 børn.


Starvið inniheldur fjølbroyttar fakligar avbjóðingar, og sum samskipari sleppur tú bæði at
arbeiða sjálvstøðugt og í toymi. Tú kemur í samband við ymiskar starvsbólkar, og kemur
at virka sum bindilið millum stovnar og umsitingina á trivnaðarøkinum. Tí eru góð
samstarvs- og samskiftisevni týdningarmiklir eginleikar.


Tað verður væntað, at samskiparin kann samskifta og samstarva um umsitingarligar,
fakligar og leiðsluviðkomandi uppgávur, tí er tað ein fyrimunur, um umsøkjarin hevur
leiðslu- ella aðrar líknandi royndir, sum kunnu stuðla undir skynsama fíggjarstýring, innlit í
verandi lóggávu, faklig mál og rák innan økið.


Arbeiðsøkið og aðrir førleikar
Samskiparin skal brenna fyri tí samlaða barnaøkinum, og tí vænta vit, at umsøkjarin:


• Megnar at tryggja eitt fakliga mennandi umhvørvi
• Er við í tvørfakligum samstarvi, innanhýsis og uttanhýsis
• Er strategiskur og fúsur at royna nýggjar leiðir
• Dugir at orða seg í skrift og talu
• Hevur forstáilsi fyri og innlit í eina politiskt stýrda fyrisiting
• Hevur førleikar at gera fyrisitingarligt arbeiði innan málsøkið
• Megnar at stjórna, menna og skapa úrslit
• Megnar at hava eitt jaligt og virðiligt menniskjasýni

Vit bjóða:
• Áhugavert og avbjóðandi starv við fjølbroyttum uppgávum
• Tvørfakligt mennandi umhvørvi í tøttum samstarvi við aðrar deildir og stovnar í
Klaksvíkar kommunu
• Førleikamenning eftir umstøðum og tørvi


Nærri upplýsingar um starvið fáast við at venda sær til John Færø, trivnaðarstjóra, á
telefon 222216 ella í teldubræv jf@klaksvik.fo. Fleiri upplýsingar um starvið eru á
heimasíðuni www.klaksvik.fo/starv.


Førleikakrøv:
Umsøkjarin skal vera námsfrøðingur. Viðkomandi royndir og/ella eftirútbúgving kann
hava fyrimun.


Setanartreytir til starvið:
Lønar- og setanartreytir eru sambært sáttmála millum Kommunala Arbeiðsgevarafelagið
(KAF) og Føroya Pedagogfelag.


Umsóknarfreist:
Umsóknir við avriti av prógvum, CV og øðrum viðkomandi skjølum, skulu vera okkum í
hendi í seinasta lagi hósdagin 10. oktober 2019 og skulu sendast til klaksvik@klaksvik.fo 

 

Aftur
FÖRKA søkir eftir tøkningi til biogassve…
Umsóknarfreist:
21. okt 2019
Løgfrøð­ingur til Barna­verndar­stovu Føroy…
Umsóknarfreist:
23. okt 2019
Umhvørvisleiðari til IRF
Umsóknarfreist:
21. okt 2019
Formaður til Eysturoynna
Umsóknarfreist:
25. okt 2019
Vit søkja eftir einum ábyrgdarfullum og…
Umsóknarfreist:
25. okt 2019
Leiðari til sølu- og kundatænastuna hjá…
Umsóknarfreist:
31. okt 2019
Rektari til Miðnám í Vestmanna
Umsóknarfreist:
25. okt 2019
Starv sum rakstrarleiðari og starv sum h…
Umsóknarfreist:
21. okt 2019
Søkt verður eftir hárðfríðkara ella hjál…
Umsóknarfreist:
23. okt 2019
Rektari til Glasir
Umsóknarfreist:
10. nov 2019