FÖRKA søkir eftir tøkningi til biogassverkið

Vilt tú verða ein týðandi partur av einari nýhugsandi, burðardyggari verkætlan?

Nú fært tú møguleikan at vera við til at gera liðugt og seta í gongd tað fyrsta biogassverkið í Føroya søgu.

Tú kemur at arbeiða í eini fyritøku, sum framleiðir biogass – til gagns fyri vinnu, landbúna, umhvørvi og orkuframleiðslu.

Tú kemur at verða ein týðandi liður í einum toymi, sum í næstum fer at seta biogassverkið í gongd og sum frameftir fer at taka sær av rakstrinum.

Starvið

Vit gleða okkum til at fáa nýggjar starvsfelagar, sum hava eldhuga at gerast partur av hesari nýhugsandi verkætlan. Fyrsta tíðin í starvinum verður brúkt upp á upplæring og ígongdsetan av verkinum. Tú kanst vænta at fáa upplæring í Danmark í nakrar vikur, har FÖRKA hevur samstarv við donsk biogassverk.

Framyvir fevnir starvið um:

  • Dagligan rakstur og eftirlit av verkinum
  • Tekniskt viðlíkahald og menning av verkinum
  • Umvæling av framleiðsluútgerð
  • At gera royndir av biomassa og logføra úrslitini
  • Luttøku í vaktarskipan, har tú hevur fjareftirlit við verkinum og tilkallivakt uttanfyri vanliga arbeiðstíð
  • Arbeiðsstaðurin er á biogassverkinum á Hjalla 47 í Hoyvík.


Tín vangamynd

Vit ímynda okkum at tú ert maskinmeistari ella hevur viðkomandi handverksliga útbúgving, so sum mekanikari, smiðjur, elektrikari ella aðra viðkomandi útbúgving og royndir.


Vit vænta, at tú:

  • Ert nærløgd/nærlagdur og hevur ein positivan hugburð til uppgávurnar og virksemið hjá FÖRKA
  • Setur trygd í hásæti og er punktlig/ur í mun til kravdar mannagongdir
  • Hevur hug at seta teg inn í automatiska stýring og biogassframleiðslu
  • Ert ágrýtin, handalig/ur og altíð klár/ur at taka eitt tak og er ikki bangin fyri at blíva skitin um hendurnar
  • Dámar væl fjølbroytt arbeiði, ert ábyrgdarfull/ur og megnar bæði at arbeiða sjálvstøðugt og í toymi
  • Hevur grundleggjandi telduførleikar, tí automatisk stýring, viðlíkahaldsskipan og aðrar fyrisitingarligar uppgávur fara fram á teldu
  • Stóra koyrikort (CE) er ein fyrimunur, so møguligt er at avloysa sum lastbilaførari

 

Vit bjóða


Sum tøkningur hjá FÖRKA fært tú eitt áhugavert og mennandi starv við fjølbroyttum uppgávum, og persónligum og fakligum avbjóðingum í einari dynamiskari fyritøku í menning, har biologisk gerðing og teknikkur gongur upp í eina hægri eind.


Vit leggja dent á at hava eitt gott arbeiðsumhvørvi og kunnu bjóða tær góðar starvsfólkatryggingar.


Lønar og setanartreytir


Løn og setanartreytir eru sambært avtalu.


Meir at vita?


Vilt tú vita meira um starvið, ert tú vælkomin at seta teg í samband við Fróða Mortensen, rakstrarleiðara, á tel. +298 235140


Umsókn


Umsóknir skulu vera okkum í hendi í seinasta lagi tann 21. oktobur 2019.


Allar umsóknir verða viðgjørdar í trúnaði


 

Um FÖRKA og Bakkafrost


FÖRKA er partur av Bakkafrost samtakinum. FÖRKA er í gongd við eina nýggja verkætlan, har man fer at nýta lívfrøðiligt burturkast frá landbúnaði og smolt- og alistøðum hjá Bakkafrost til at framleiða grøna orku. Hendan framleiðslan skal vera við til at framleiða hita til 400 sethús og streym til 1.900 sethús.


Bakkafrost er størsta alifyritøka í Føroyum. Samtakið hevur fulla virðisketu frá fóðri, smolt- og laksaaling, kryvjing, liðugvøruframleiðslu til sølu. Framleiðslan av mjøli, lýsi og fóðri er á Havsbrún í Fuglafirði. Kryvjivirkini eru á Glyvrum og í Vági, meðan liðugvøruframleiðslan (VAP) er á Glyvrum. Alivirksemið hjá samtakinum er í Norðoyggjum, Eysturoy, Streymoy, Sandoy og Suðuroy. Høvuðsskrivstova felagsins er á Glyvrum.

www.bakkafrost.com 

Aftur
Søkt verður eftir kundavinarligum og tæn…
Umsóknarfreist:
15. des 2019
Maskinførari til Articon
Umsóknarfreist:
22. nov 2019
Løgfrøð­ingur til Útlendinga­stovuna
Umsóknarfreist:
18. nov 2019
Spreingimeistari til Articon
Umsóknarfreist:
22. nov 2019
Førari til lastbil
Umsóknarfreist:
25. nov 2019
Heilsurøktari til Heimið við Vágna
Umsóknarfreist:
26. nov 2019
Maskinmeistari til Hav Nordic
Umsóknarfreist:
8. des 2019
Skipari til Rituna
Umsóknarfreist:
28. nov 2019
Havsbrún søkir eftir framleiðslu­fólk til…
Umsóknarfreist:
21. nov 2019
Skúla­vørður til Runavíkar kommunu
Umsóknarfreist:
18. nov 2019