Lýsing

Løgfrøðingur til Barnaverndarstovu Føroya

Barnaverndarstovan søkir eftir løgfrøðingi. Løgfrøðingurin skal, saman við einum sosialráðgeva og einum sálarfrøðingi, røkja uppgávurnar hjá Barnaverndarstovuni.


Um starvið
Høvuðsuppgávurnar hjá løgfrøðinginum vera m.a. hesar:

·         At vegleiða barnaverndartænasturnar og geva teimum ráð í almennum spurningum um at viðgera barnaverndarmál

  • At undirvísa barnaverndartænastunum  um uppgávur teirra sambært barnaverndarlógini
  • At framleiða og dygdarmenna ymiskt skrivligt tilfar, m.a. vegleiðingar, leiðreglur og mannagongdir
  • At savna saman og umsita hagtøl fyri Barnaverndarstovuna, Barnahúsið og Fosturforeldraskipanina.
  • At gera ársfrágreiðing um virksemið hjá stovninum


Førleikakrøv
Løgfrøðiligt embætisprógv er eitt krav, eins og viðkomandi starvsroyndir verða mettar høgt.

Kunnleiki til og áhugi fyri barnavernd og fyrisiting eru fyrimunir, eins og kunnleiki til viðkomandi lógir, faklig krøv og standardir á økinum.

 

Tú ert samstarvssinnað/ur og hevur semjusøkjandi hugburð, samstundis sum málini verða viðgjørd á einum fakliga høgum støði.  

Tú dugir væl og virðismetir hetta at samskifta við ymiskar myndugleikar, og tú ert før/-ur fyri at arbeiða undir einum ávísum trýsti. Tú ert fúsur at taka eitt eyka tak, tá á stendur, og tað fellur tær lætt at arbeiða sjálvstøðugt.

Tú dugir sera væl at orða teg á føroyskum og væl á enskum máli, bæði skrivliga og munnliga.

 

Løn og setanarviðurskifti
Løgfrøðingurin vísir til leiðaran á Barnaverndarstovu Føroya.

Løn og setanartreytir eru sambært sáttmála millum Kommunala Arbeiðsgevarafelag Føroya og Búskapar- og Løgfrøðingafelag Føroya.

Starvið er fulla tíð, og verður sett so skjótt, sum til ber


Umsókn
Umsókn við prógvum, c.v. og viðkomandi skjølum skal sendast til: 
Barnaverndarstovu Føroya

R. C. Effersøesgøta 26

FO-100 Tórshavn

Ella umvegis teldupost á ob@bvs.fo 

Umsóknin skal vera Barnaverndarstovuni í hendi í seinasta lagi mikudagin 23. oktober 2019, kl. 12.00.


Fleiri upplýsingar
Ynskir tú fleiri upplýsingar um starvið ber til at venda tær til Oddbjørg Balle, leiðara á Barnaverndarstovu Føroya á tlf. 225696 ella til Eyðun Christiansen, stjóra í Kommunufelagnum á tlf. 282480.

                                                                                                         

Barnaverndarstova Føroya er felagskommunalur stovnur við heimild í barnaverndarlógini. 
Endamálið við barnaverndarlógini er at tryggja, at børn, sum vaksa upp undir viðurskiftum, ið kunnu skaða heilsu teirra og menning, fáa neyðuga hjálp og umsorgan rættstundis, so tey fáa ein tryggan uppvøkstur.

Aðaluppgávurnar hjá Barnaverndarstovuni eru at styrkja og samskipa barnaverndarøkið í landinum, harundir m.a. at umsita Fosturforeldraskipanina og Barnahúsið, umframt at vegleiða barnaverndartænasturnar kring landið og geva teimum ráð, at virka sum ráðgevi hjá landsstýrinum á barnaverndarøkinum, og at fáa til vega hagtøl og at skipa fyri gransking og menning á økinum. SSP-samstarvið er eisini partur av Barnaverndarstovuni.

Barnaverndarstova Føroya heldur til í Kommunuhúsinum í R.C.Effersøesgøtu 26, saman við Kommunufelagnum og Kommunala Arbeiðsgevarafelag Føroya

Aftur
Djóralækni/­Fiskaheilsulív­frøðingur
Umsóknarfreist:
19. des 2019
Fulltrúi til fíggjarstýring og roknskap
Umsóknarfreist:
3. jan 2020
Vónin søkir sølufólk
Umsóknarfreist:
15. des 2019
Heilsurøktari til Norðoya Røktarheim, fa…
Umsóknarfreist:
20. des 2019
Stjóri til Tjóðpall Føroya
Umsóknarfreist:
16. des 2019
Søkt verður eftir kundavinarligum og tæn…
Umsóknarfreist:
15. des 2019
Stjóri til Vørn
Umsóknarfreist:
3. jan 2020
Spennandi og avbjóðandi størv á demensde…
Umsóknarfreist:
16. des 2019
Ófulltik­nir dekkarar til Vørn
Umsóknarfreist:
11. des 2019
Fysioterapeutur til Ergo- og fysioterapi…
Umsóknarfreist:
13. des 2019