Skipari til Rituna
Strandfaraskip Landsins søkir skipara til Rituna
Søkt verður eftir skipara til Strandfaraskip Landsins (SSL) at byrja í starvið 9. desembur 2019. Tú byrjar umborð á Rituni, men kann verða flutt/ur umborð á onnur skip hjá SSL, sum fyriskipað av leiðsluni.
Arbeiðs- og vaktarskipanin er fyriskipað í mun til galdandi ferðaætlan hjá tí skipi, ið ein er settur umborð á. Hjá Rituni er dagliga farleiðin Hvannasund-Svínoy-Fugloy. Arbeiðstíðin umborð er tvær vikur umborð og tvær vikur frí. Siglt verður hvønn dag í vikuni, og umstøður eru ikki at búgva umborð.
Tínar høvuðsuppgávur eru, at:
- Virka sum ovasti trygdarleiðari, har tú tryggjar eitt tætt samstarv millum allar eindir umborð, og vegleiðir um neyðugt
- Hava eftirlit við, at trygdin er í tráð við føroysk og altjóða krøv, og tryggja trygdina hjá hvørjum einstøkum umvegis skilagóðar arbeiðsgongdir
- Verða partur av skipsleiðsluni, har miða verður ímóti einum skilagóðum rakstri og áhaldandi arbeiða við at betra fyriskipanir og mannagongdir
- Leypandi at menna og dagføra viðlíkahaldsskipanina PreMaster og meta um tørvin fyri viðlíkahaldi
- Tryggja gott samstarv við myndugleikar og aðrar samstarvsfelagar í land
Sum skipari vænta vit, at tú hevur:
- Útbúgving sum skipari
- Í minsta lagi STCW átekna sjóvinnubræv sum heimaskipari við handilsskipum STCW reg. II/3
- GMDSS – GOC (STCW reg. IV/2)
- Heilsuváttan (bláabók)
- Trygdarskeið fyri sjófólk (Trygdarskeið – STCW A-VI/1-1, A-VI/1-2, A-VI/1-3, A-VI/1-4 og A-VI/6-1
- Eldsløkking fyri skipsyvirmenn
- Prógv í nýtslu av bjargingarútgerð
- Útbúgving sum sjúkraviðgeri
Tað kann verða ein fyrimunur um tú hevur Crowd and Crisis prógv og royndir við ferðamannaskipum
Onnur viðkomandi krøv
Í mun til málførleika skalt tú megna at samskifta og vegleiða ferðafólk á føroyskum ella donskum og enskum.
Tað er ein fyrimunur at hava kunnleika til hesar telduskipanir: Outlook, Pre-Master og Sharepoint.
Annars vænta vit, at tú hevur góðan røkjuskap, kann arbeiða sjálvstøðugt og dugir væl at samskifta. Vit vænta eisini, at tú ert fyrikomandi og fús/ur at taka við nýggjum avbjóðingum.
Setanar- og lønarviðurskifti
Setanartreytir verða sambært sáttmála millum Fíggjarmálaráðið og Føroya Skipara- og Navigatørfelag.
Starvið er lønt í lønarflokki 3.
Umsókn
Umsókn við avritum av prógvum og møguligum viðmælum skal sendast til Eyðhild Jacobsen, leiðsluskrivara á t-post eyj@ssl.fo ella til:
Strandfaraskip Landsins
Sjógøta 5
Postrúm 30
FO-810 Tvøroyri
Umsóknarfreistin er hósdagin 28. novembur 2019 kl. 12.00. Nærri upplýsingar um starvið kunnu fáast við at venda sær til manningasamskiparan, Páll Heri Nolsøe, á tlf. 293024 ella við at senda ein teldupost til pan@ssl.fo
Um Strandfaraskip Landsins
Strandfaraskip Landsins (SSL) er landsfyritøka undir Samferðslumálaráðnum, hvørs endamál er at lúka landsins tørv á innanlands fólka- og farmaflutningi. SSL umsitur 28 farleiðir, har av 8 oyggjaleiðir og 20 bygdaleiðir. Til at røkta hesar leiðir hevur SSL 8 ferjur og 40 bussar. Samlaða ferðafólkatalið fyri 2018 var umleið 1,2 mió. Til at røkja hesar tænastur hevur SSL umleið 160 starvsfólk, svarandi til um 120 ársverk.
29. apr 2024
29. apr 2024
7. mai 2024