Vit sóknast eftir
-        Heilsuhjálpara fulla tíð ella eftir nærri avtalu, skjótast tilber ella frá 1. apríl 2020.
-        Tímaløntum avloysarum til Heimatænastuna at arbeiða eftir tørvi.

Arbeitt verður um dagin, kvøldið og í vikuskiftunum. Starvsfólk í føstum starvi arbeiða annaðhvørt vikuskifti.
 
Førleikakrøv og karmar
Til fasta starvið krevst útbúgving sum heilsuhjálpari ella onnur røktarfaklig útbúgving.

Til avloysarastørvini krevst útbúgving sum heilsuhjálpari ella heilsurøktari.

Vit vænta, at tú hevur góð evni at samskifta og samstarva, eins og hug og hegni til at arbeiða heima hjá borgarum í Norðoyggjum og soleiðis stuðla hesum í at búleikast heima sum longst. Somuleiðis vænta vit, at tú ert opin og fleksibul í mun til skiftandi tørvir hjá borgarunum og harvið ymiskar arbeiðsuppgávur frá degi til dags. Útbúgving og royndir innan eldra- og demensøkið kunnu vera ein fyrimunur.

Vit kunnu bjóða sjálvstøðug og spennandi størv við nógvum fakligum avbjóðingum og góðum samstarvsfeløgum.

Høvuðsuppgávan hjá starvsfólkunum í NBH tekur støði í visjónini hjá NBH, sum er:
-        NBH strembar eftir at skapa fjøltáttaðar møguleikar fyri nærveru, eldru borgarum, avvarðandi og starvsfólkum at gagni.
-        NBH vil raðfesta fleksibilitet og samskapan í teimum loysnum, ið framyvir skulu finnast á eldraøkinum.
-        Fyritreytin er eitt hugvekjandi øki, sum er grundað á álit, høgt fakligt støði og virðing.
 
Lønar- og setanartreytir:
Lønar- og setanartreytir eru sambært galdandi sáttmálum millum KAF og Heilsuhjálparafelagið og/ella Heilsurøktarafelagið.

Nærri kunning um størvini fæst við at venda sær til Per Johannessen, deildarleiðara, á tlf. +298 793470.

Umsókn, við avritum av prógvum, autoristatión v.m., verður at senda til nbh@nbh.fo ella Norðoya Bú- og Heimatænastu, Nólsoyar Pálsgøta 32, Postsmoga 2, FO-710 Klaksvík.
 
Umsóknarfreistin til størvini er á middegi mikudagin 26. mars 2020.