Brennur tú fyri at skapa góð og virðilig kor fyri borgarar í Norðoyggjum, so er tað tær, vit leita eftir at arbeiða sum avloysari í summar.

Høvuðsuppgávan hjá starvsfólkunum tekur støði í visjónini hjá Norðoya Bú- og Heimatænasu, NBH, sum er:

• NBH strembar eftir at skapa fjøltáttaðar møguleikar fyri nærveru, eldru borgarum, avvarðandi og starvsfólkum at gagni.
• NBH vil raðfesta fleksibilitet og samskapan í teimum loysnum, ið framyvir skulu finnast á eldraøkinum.
• Fyritreytin er eitt hugvekjandi øki, sum er grundað á álit, høgt fakligt støði og virðing.

NBH sóknast eftir summarfrítíðaravloysarum til Heimatænastuna, Norðoya Røktarheim, Heimið við Vágna, Norðoya Ellis- og Vistarheim, Sambýlið í Bøgøtu, Sambýlið á Heygnum, Mattænastuna og dagtilhaldini Sóljan og Búðatrøð.

Tørvur er á avloysarum fyri,

• Sjúkrarøktarfrøðingar
• Heilsurøktarar
• Heilsuhjálparar
• Bilførara til Mattænastuna

Arbeitt verður í skiftandi vaktum og skiftandi vikuskiftum.

Arbeiðið í Sóljuni, Búðatrøð og Mattænastuni fevnir tó einans um dagtímar og yrkadagar.

Førleikakrøv til størvini

• Útbúgving og autorisatión svarandi til fakbólkarnar, ið lýst verður eftir
• Áhuga í at arbeiða við eldri borgarum
• Góð samstarvsevni
• KT-førleika á brúkarastøði

Vit kunnu bjóða

• Stórar fakligar avbjóðingar
• Spennandi og sjálvstøðug størv
• Gott samstarv við onnur fakfólk

Lønar- og setanartreytir
Lønar- og setanartreytir eru sambært sáttmála millum Kommunala Arbeiðsgevarafelagið, Fíggjarmálaráðið og avvarðandi fakfeløg.

Nærri kunning um størvini fæst við at venda sær skrivstovuna hjá NBH, á tlf. 410000, yrkadagar millum kl 10-15 ella við telduposti til nbh@nbh.fo.

Umsókn, við avritum av prógvum, autorisatión v.m., verður at senda til nbh@nbh.fo ella Norðoya Bú- og Heimatænastu, Nólsoyar Pálsgøta 32, Postsmoga 2, FO-710 Klaksvík.

Umsóknarfreistin til størvini er á middegi, fríggjadagin 6. apríl 2018.