Lærarar í ítrótti og sponskum
Miðnám á Kambsdali søkir eftir lærarum til lærugreinarnar spanskt og ítrótt.
Í sponskum er talan um eitt ¾ avloysarastarv fyri lærara í barnsburðarfarloyvi.
Í ítrótti er talan um ¾ tímalærarastarv, sum kann gerast fast starv.
Størvini verða sett út frá eini heildarmeting av fakligum førleikum, faksamanseting og persónligum førleikum.
Útbúgving og royndir
Tann, ið settur verður, skal hava kandidat- ella masterútbúgving á 300 ECTS í einari ella fleiri lærugreinum frá lærdum háskúla ella aðra samsvarandi útbúgving sambært førleikakunngerð fyri lærarar á gymnasialu miðnámsútbúgvingunum.
Persónligir førleikar
Í setanartilgongdini verður dentur lagdur á førleikarnar:
- at skapa og menna eitt gott og mennandi samband við næmingar og starvsfelagar
- at bera fram fakliga vitan á ein áhugaverdan og skiljandi hátt
- at leggja undirvísingina til rættis og leiða undirvísingarstøðuna
- at sýna ein positivan hugburð til ungdóm, vitan og læru og áhuga at taka virknan lut í menningini av Miðnámi á Kambsdali
Harafturat verður dentur lagdur á:
- at tú hevur góðar málsligar førleikar, bæði munnliga og skrivliga
- at tú hevur góðar KT førleikar
Setanarviðurskifti
Størvini verða sett sambært sáttmála millum Yrkisfelagið Miðnám og Fíggjarmálaráðið.
Umsókn
Umsókn saman við prógvum og CV skal vera skúlanum í hendi í seinasta lagi 24. september 2020. Umsóknir skulu sendast til ums@kambsdalur.fo.
Spurningar um størvini kunnu setast Páll Isholm, rektara, á pai@kambsdalur.fo.
Nærri kunning um skúlan er at finna á www.kambsdalur.fo.
29. apr 2024
6. mai 2024
7. mai 2024
3. mai 2024
6. mai 2024