Lýsing
Hagabókin Fyri Uttan á Skarði
Hóskvøldið 30. november verður skipað fyri framløgu í Spaniastovu í Klaksvík, nú "Hagabókin Fyri Uttan á Skarði" kemur út. Einasta bók av sínum slag, ið givin er út í Føroyum.
Byrjað varð at skráseta í 1919, og skrásetingarnar enda í 1991. Nógv er komið á blað, so nú sæst, hvussu tað hevur verið, bæði upp og niður, at havt hagan uppi, hvussu hevur gingist við rakstri, skurði og lambatali, og hvussu øll hesi mongu árini hava verið til veður og gróður.
Kvøldið verður skipað við framløgum, umrøðum, hugleiðingum og tónleiki, sum Rani Nolsøe stendur fyri.
Kaffi og te verður at fáa og til ber at keypa sær eina øl.
Øll eru hjartaliga vælkomin.
Seinastu tíðindini