Myndin vísir greitt at bilarnir hava einki at gera á almennum parkeringsplássum i Klaksvík.

Ein borgari skrivar inni á bólkinum: Hesir bilar hava staði á parkeringsøki undir Klakki í alt ov langa tíð. Vælsignaðir vakni tit ið hava ábyrgd av hesum Skorheim & Co.

Fleiri aðrir borgarar vísa sína ónøgd og halda at Klaksvík eigur at fáa ein parkeringsvørð aftur og aðrir vísa á at fólk ikki parkera inn á sínum egna grundstykki. 

Steinbjørn Jacobsen, byráðslimur og fyrrverandi borgarstjóri og formaður í Teknisku Nevnd skrivar: Saknur er í John B. Hansen sála, nú sæst best, hvussu stórt arbeiði hann gjørdi, hóast sera ótakksamt arbeiði. Vónandi fáa vit nýggjan parkeringsvørð sum skjótast. Tað er langt síðani samtykt í Teknisku nevnd. Skilji bara ikki, hví hann ikki er settur.

Ein annar borgari skrivar: Eg skilji ikki hví Kl. kommuna ikki krevur av húsaeigarum , at eitt hús skal hava minst 2 parkeringspláss á egna grundøkið, og at tey skullu parkera egnar bilar har. Ein pakeringsvørður,skuldi fingið uppgávuna, og syrgt fyri at hetta verður yvirhildi, og givi bøtur í langar banar, um ikki. Tað er eitt forferdiligt óskil við privatparkering í Klaksvík. Bilar standa parkeraðir í strípur báðu megin koyribreytirnar, hóast húskini væl hava pláss til parkerings pláss á grundøkinum. Tað er bara ein spurningur um prioritering.