Stellurnar
Triðja bókin í røðini 'Teir tóku kjansin' eftir Birgir Waag Høgnesen hevur heitið 'Stellurnar'. Hon var løgd fram í gjárkvøldið á samkomu í Klaksvík - sjálvandi í sokallaðu Stelluhúsinum, sum Klaksvíkar kommuna keypti frá Pf. Stella.
Hóast veðrið longu leikaði í gjárkvøldið, so var at kalla fullsett, tá Tummas Lervig vegna býráðið bjóðaði fólki vælkomnum.
Síðani segði høvundin nøkur orð um bókina og um arbeiðið við henni. Sangur og tónleikur hevur altíð verið partur av sjólívinum, eisini umborð á Stellunum, og til høvið høvdu Steinbjørn O. Jacobsen og Gerhard Tróndheim funnið harmonikurnar fram og spældu tvey løg til felagssang.
Jógvan við Keldu segði nøkur orð um Erling Laksáfoss og brøðurnar Hall og Trúgva, sum hann kendi væl. At enda takkaði Birgir fyri og fólk fingu høvi at keypa eina signeraða bók - alt meðan fólk stóðu í størri og smærri bólkum og tosaðu um minnini frá Stellu-tíðini.