Tað sigur ein ørkymlaður reiðari, sum kallar hendan dagin fyri ein feigdardag, har lógin um sjófeingi væntandi verður endaliga samtykt við minst hugsaða meirilutanum aftanfyri.

Eyðstein Poulsen er reiðari á Ågot, sum ikki er partur av teimum størru fyritøkunum í føroysku fiskivinnuni. Í morgun skrivar hann á facebook, at hetta vera seinastu jól, at hann og hinir eigararnir umborð á Ågot standa sum eigarar á hesum skipi, sum teir í mong ár hava stríðst við at fingið at koyrt, bæði í viðgongd og mótgongd.

- Jú‚ rætt er tað‚ eingin er deyður‚ men tað kennist rættiliga vist‚ at hetta eru síðsti jól‚ ið vit halda sum eigarar av fiskiskipinum Ågot. Vit vænta okkum at leiga skipið út um landoddarnar til onnur at brúka sum verksmiðjuskip - Um tað ikki eydnast hjá okkum, so verða vit noyddir at selja. Hetta er okkara støða‚ hjá okkara lítla reiðaríi‚ men tað er púra óinteressant at tosa um hjá almenninginum‚ tí søgurnar um milliónirnar í lummunum hjá teimum stóru‚ hevur blindað alt samfelagið og alla tilgongd til eina skilagóða skipan, skrivar Eyðstein Poulsen á sínum vanga.