Lýsing
Bergur Jacobsen | Mynd: Dávur Winther

Krubban og krossurin, sum jarnbrot

SKRIVAÐ: Bergur Jacobsen  |  15.12.2017 - 00:20 Bloggur Mentan Tíðindi

Tvey av aðalsymbolunum í kristindóminum eru krubban og krossurin. Bæði eru tekin um hjálparloysi og avmakt. Hjálparleysa barnið í krubbuni eru eitt kosmiskt neyðarróp til Guðs og til menniskju: Hjálp mær, hjúkla um meg! Krossurin er eitt kosmiskt tekin um kærleikan, ið offrar alt – Skaparin, ið sýnir sítt veldi í síni avmakt. Krossurin er eisini mótmælið Skaparans móti øllum jarðiskum veldi og valdsnýtslu.

Kristni boðskapurin hongur í millum hesi bæði, krubbuna og krossin. Kærleikan, ið kom til okkara í barninum, og kærleiki, ið fullgjørdi verkið á krossinum, og fekk innsigli Skaparans páskamorgum.

Kortini hevur kristni boðskapurin, krubban og krossurin verið nýtt sum valdsvápn, sum kúðannareyðkennir og sum jarnbrot gjøgnum alla ta kristnu søguna.  Og heldur ikki um okkara leiðir er tað frítt fyri at so er! Tinglimir smæðast ikki fyri av avreiða moral fyri tosk, trúarsannføring fyri tunellir og Jesus fyri hægri avgjøld á ymiskar vørur.

Aðalsymbolini, hjálparleysa barnið í krubbuni og líðandi deyðadømdi maðurin á krossinum, hava verið býtt um við valdsgerðir, valdsmisnýtslu, kúgan, diskriminatión og rossahandlar av ringasta slag.

Í landinum har einglarnir sungu:”Friður á jørð, og í menniskjum góður tokki!” hevur valda ófriður líka síðani, tí bara tey fæstu hava fatað, at friðurin, jólafriðurin eigur at koma innanífrá í okkum menniskjum. Uttan frið innaní okkum sjálvum, verður ongin friður rundan um okkum!

At gera kristindómin til lógarreligión og rossahandil, verður aldrin kristindómur, tí kristindómurin eigur at spríkja innanífrá í okkum sjálvum, sum ein guðdómlig náðinnar og kærleikans kelda. Sjálvandi er tað neyðugt at hava lógir og reglur í einum skipaðum samfelag. Men, lógir og reglur skapa ikki eitt kristi samfelag!  Eyðmjúk, virðandi og elskandi menniskju eru fortreytin fyri einum kristnum samfelag.

Krubban og krossurin eru ikki jarnbrot ella valdstól, men ein bøn til Skaparans um kærleika, og eini boð frá Skaparanum um kærleika – í hesum báðum er jólafriðurin!

Lýsing
Bloggarin
Bergur Jacobsen
Pensionistur

Bergur Jacobsen er føddur og uppvaksin á Stongunum í Klaksvík. Útbúgvin prestur frá Chichester Theological College, University of Southampton. Hevur verið prestur á Sandi, við donsku Kirkjuna í London, i Ordrup og í Føroysku Kirkjuni í Keypmannahavn. Starvaðist í Útvarpinum í átta ár, og var landstýrismaður fyri Sjálvstýrisflokkin í tvey ár. Bergur hevur ongantíð sæð ein heilan fótbóltsdyst, men spælt í nógvum hornorkestrum. Bergur hevur eisini verið blaðstjóri á Norðlýsinum og á Tingakrossi eitt stutt skifti.

Hvør bloggar
Sólfinn Hansen
cand.mag. & bac.scient.pol.

Sólfinn Hansen er føddur í 1978 og starvast á Tekniska Skúla í Klaksvík. Hann er upprunaliga úr Klaksvík, nú búsitandi á Kambsdali. Hann er útbúgvin cand.mag. í føroyskum og søgu og B.S.Sc. í stjórnmálafrøði. Hevur síðani 2003 undirvíst á studentaskúla, HF, handilsskúla, tekniskum skúla og á Fróðskaparsetrinum. Sólfinn er limur í Málráðnum.

Bergur Jacobsen
Pensionistur

Bergur Jacobsen er føddur og uppvaksin á Stongunum í Klaksvík. Útbúgvin prestur frá Chichester Theological College, University of Southampton. Hevur verið prestur á Sandi, við donsku Kirkjuna í London, i Ordrup og í Føroysku Kirkjuni í Keypmannahavn. Starvaðist í Útvarpinum í átta ár, og var landstýrismaður fyri Sjálvstýrisflokkin í tvey ár. Bergur hevur ongantíð sæð ein heilan fótbóltsdyst, men spælt í nógvum hornorkestrum. Bergur hevur eisini verið blaðstjóri á Norðlýsinum og á Tingakrossi eitt stutt skifti.

Seinastu tíðindini
Haruhagar­nir í Árnafirði
Haruskjótin - Múlahagi
Norðlýsið tippar: Tummas Lervig landsstý…
Jákup B rokfiskiskap undir Føroyum
Treysti: Børnini byrja innandura í morgi…
Myndarøð: Sjálvstýri aðal- og landsfund…
Poul F. 120 ár – stór konsert í Norðurla…
Kappingarsam­felag, búskapur og umhvørvi
Meirvirði í avskurði av fiski
Gepetto Catering v/­ Árna Müller
Puigdemont er farin avstað aftur og hvat…
Hæddarpunkt: KÍ 3 - 1 TB/­FCS/­Royn
H71 hevði  munin
Nú skal KÍ spæla í Runavík um silvurið
Páll A. Klettskarð skal spæla fótbólt í…
Umhvørvisavbjóðingar­nar skulu takast í s…
Sangfagnaður í Nesvík
Upptakt: KÍ-TB/­FCS/­Royn
KÍ viðhalds­fólk­ini siga farvæl við fleir…
Heyst­fagnaðu­rin væl fagnaður á Eiði í da…