Tíðindi Politikkur Mentan Ítrottur Veðrið Lýsingar Norðlýsið Tekna hald
Lýsing
Lýsing
Bergur Jacobsen | Mynd: Dávur Winther

Meðan vit bíða eftir dómadegi

SKRIVAÐ: Bergur Jacobsen  |  29.12.2017 - 15:50 Bloggur Tíðindi

Vit eru mong, ið bara fáa tíðindi frá loftbornu miðlunum, alnótini og KvF, og sum als onki skil hava fyri fiskivinnuni, hóast vit eru uppvaksin millum útróðramenn, skipsmenn og fiskafólk, og kanska enntá verið einar tveir túrar til skips. Úr tí vit lesa og hoyra, noyðast vit at sanna, at spádómanir um útlitini í samband við nýggju fiskivinnuskipanina eru sera daprir. So daprir, at tað ljóðar eins og dómadagur er í nánd: Skip verða løgd, virkir stongd og bygdir avoyddar. Alt í alt, lítið hugalig útlit.

Á Skarvanesi plagdu tey at siga: ”Man kann onki siga, tá man onki veit!”, sum helst var ein hóvligur háttur at siga: Um tú ikki veitst hvat tú tosar um, halt so kjaft!

Men ivandi, óvitandi og spyrjandi sálir kunnu onkuntíð vera sum lýsi á brotasjógv, og slætta froðuna so frægt, at til ber at tosa saman. Tí tað, sum fyri okkum óvitandi og uttanífráskoðandi, tykist at vera trupuleikin í føroyska orðaskiftinum, tað er, at allir partar eru sannførdir um, at teirra meining er tann einasta meining nøkur meining er í; at allir bólkar eru sannførdir um at teir, og ongin annar, hevur fyngið lykilin til allan sannleikan! Og soleiðis endar øll samtala og allar royndir til semju. Og soleiðis støðgar eisini øll demokratisk siðvenja, sum er tað at lurta, hugsa og at tosa saman. Eg havi áður nevnt hettar, at eg dugi illa at ímyna mær, at ein føroysk stjórn, við vilja, fer at skapa eina fiskivinnunýskipan, ið hevur til endamáls at beina fyri føroysku fiskivinnuni, at oyða virkir og bygdir, og so framvegis.

Hetta sigi eg, samstundis sum eg veit, at tað er mong erkadømi um, at politikarar við tí besta í hygggju, av ideologiskum orsøkum, hava beint fyri londum og blómandi búskapum, t.d. milliónirnar, ið doyðu undir landbúnaðar- og vinnuroyndunum hjá Mao og mongu fiaskofyritøkurnar hjá mongum afkrikanskum frælsishetjum. Man kann onki siga, tá man onki veit.

Kanska hevur sitandi samgonga til endamáls at beina fyri føroyska fiskivinnuídnaðinum – at legja skipini, stongja virkini og oyða bygdir! Hvør veit? Sjálvur dugi eg illa at ímynda mær, at ein stjórn/samgonga, har um ikki annað, minst ein av limunum er hampuliga normalur, kundi funnið uppá slíkt? Í mínum naiviteti velji eg at trúgva, at samgongan eisini hevur okkurt gott í hyggju, hóast tað mangan er langt frá skriviborði til veruleika, og skúlabøkur ikki altíð kunnu nýtast bókstavliga á skipsdekki ella í vinnufyritøkum.

Føroya søga er nú eisini eitt erkadømi um afturhald og daprar spádómar. Fríhandilin skuldu gera enda á Føroyum. Føroyskt sum skúlamál var næstan sum verdens undergang. Tá ognarleys kundu fáa høvi til at dýrka traðir av kongsjørðini, helvtina av árinum, kundi eisini tað gerast endin á føroysku bóndastættini. Tá trolaramenn kravdu at sleppa at ganga seks og seks, heldur enn at arbeiða seg til deyðis, skuldu tað eisini blíva endin á trolaravinnuni. O.s.fr.

Kanska, kanska, so verður dómadagur ikki so ræðuligur, sum vinnan og virkisfeløg spáa? Vónandi, vónandi ikki! Men, eitt hava allar royndir víst, og tað er, at tað ber ikki til at seta eina stórbroyting í verk eftir fjúrtan døgum – ein stórbroyting sum fiskivinnunýskipanini helst er, skal hava í minsta lagið 12 mánaðir til at setast í verk í, annars verður talan um skrumbul! So mikið skilja vit fávitsku, hóast alt, sjálvt um man onki skal siga tá man onki veit!

Lýsing
Bloggarin
Bergur Jacobsen
Pensionistur

Bergur Jacobsen er føddur og uppvaksin á Stongunum í Klaksvík. Útbúgvin prestur frá Chichester Theological College, University of Southampton. Hevur verið prestur á Sandi, við donsku Kirkjuna í London, i Ordrup og í Føroysku Kirkjuni í Keypmannahavn. Starvaðist í Útvarpinum í átta ár, og var landstýrismaður fyri Sjálvstýrisflokkin í tvey ár. Bergur hevur ongantíð sæð ein heilan fótbóltsdyst, men spælt í nógvum hornorkestrum. Bergur hevur eisini verið blaðstjóri á Norðlýsinum og á Tingakrossi eitt stutt skifti.

Hvør bloggar
Sólfinn Hansen
cand.mag. & bac.scient.pol.

Sólfinn Hansen er føddur í 1978 og starvast í løtuni á Tekniska Skúla í Klaksvík. Hann er upprunaliga úr Klaksvík, nú búsitandi á Kambsdali. Hann er útbúgvin cand.mag. í føroyskum og søgu og B.S.Sc. í stjórnmálafrøði. Hevur síðani 2003 undirvíst á studentaskúla, HF, handilsskúla, tekniskum skúla og á Fróðskaparsetrinum. Sólfinn er eisini limur í Málráðnum.

Mimmy Vágsheyg
Íverkseti

Mimmy Vágsheyg er fødd í 1980 og uppvaksin á Lítlu Brekku í Klaksvík. Miðlingur av trimum systrum. Ein rokalig smágenta við stórum krúllutum hári - hon sum rann, súklaði og tuskaði við dreinginum frá morgun til kvøld. Hon lýsir seg sjálva sum mamma og leikandi venjari. Angrar bert tað hon ikki fekk gjørt. Hon siterar ofta Astrid Lindgren - “Hatta havi eg ikki roynt fyrr, so tað dugi eg heilt vist!”. Orð sum “ógjørligt” finnast slet ikki í hennara verð - naïv og "Optimist by Choice". Pausa er eitt pitstop, til at kunna fyrireika segat kunna drøna avstað aftur.

Bergur Jacobsen
Pensionistur

Bergur Jacobsen er føddur og uppvaksin á Stongunum í Klaksvík. Útbúgvin prestur frá Chichester Theological College, University of Southampton. Hevur verið prestur á Sandi, við donsku Kirkjuna í London, i Ordrup og í Føroysku Kirkjuni í Keypmannahavn. Starvaðist í Útvarpinum í átta ár, og var landstýrismaður fyri Sjálvstýrisflokkin í tvey ár. Bergur hevur ongantíð sæð ein heilan fótbóltsdyst, men spælt í nógvum hornorkestrum. Bergur hevur eisini verið blaðstjóri á Norðlýsinum og á Tingakrossi eitt stutt skifti.

Seinastu tíðindini
AB førdi 2-0 í Runavík men tapti
Menn eru einfaldir. Og einfalt er gott.
Meinhardt E. Olsen gjørdi hattrik
Lands­stýris­kvinnan: Læknar kunnu geva ka…
Borðtennis: Nýggir lands­liðsvenjarar
Edmund Joensen spyr Henrik Old um Selatr…
6. umfar av FM-kappingu­num í dart
Størv sum føroysk sendifólk verða ikki a…
Lýggjari í morgin
Team Klaksvík byrjar á útivølli móti odd…
Bragd, Kallanes og Norðsøki avreiddu í k…
Kavaæl, sunnanfyri - hví?
Føroyaprent vann útbjóðingina
Nærri ein er mikrofon­ini – longri burtur…
Greipuvinnarar­nir sett nýggjan venjara
Eg sakni heildarætlan fyri fiski­vinnuna
Jákup spyr Rigmor um Kringvarpið
Sissal E. Lervig nýggja Marknaðar/­samski…
Venjingardystir áðrenn lands­kappingina
Toppdystur á Kambsdali í kvøld
Lýsing