Tíðindi Politikkur Mentan Ítrottur Veðrið Lýsingar Norðlýsið Tekna hald
Lýsing
Lýsing
Sólfinn Hansen

Latum okkum øll fundast

SKRIVAÐ: Sólfinn Hansen  |  02.01.2018 - 17:30 Bloggur Tíðindi

Tey flestu innanfyri tað almenna kenna til eina líknandi arbeiðsviku: Mánadag er fundur í samskipanartoyminum, týsdag er ráðleggingarfundur, mikudag er starvsfólkafundur, hósdag er nevndarfundur og fríggjadag er eftirmetingarfundur. Mál til fundin skulu vera inni 5 dagar áðrenn fundin, og 4 dagar áðrenn kemur fundarfrásøgnin frá síðsta fundi, sum ongin lesur.

At starvsfelagar hittast til kaffi og smákakur uttanfyri arbeiðstíð krevur eina innkalling við eini útførligari skrá. Afturfyri eru krøvini til innihald tað linari. Trý tey fyrstu punktini eru góðkenning av ólisnu frásøgnini, av skránni sjálvari og so um nakað punkt skal vera undir ymiskum. Har koma vanliga fleiri punkt, sum øll hava gloymt, tá fundurin er komin so langt. Eisini tey sum hava sett punktini á.

Teir flestu fundirnir kunnu lukkutíð avgreiðast uttan at nakað kemur burturúr. Góðskan verður tá mett eftir, um tað var ein turrur hálvmáni frá Dancake ella høgt belagt smyrjibreyð á borðinum. Til aðrar fundir er neyðugt við eini støðutakan, og tá er straks verri. Tey sum hava sum arbeiði at taka sær av nøkrum, síggja vanliga fundir sum høvi til at seta ein bólk at gera tað fyri seg. So spyr hesin, ella hann fær fundarleiðaran at gera tað fyri seg, út í rúmið, hvør hevur hug til at vera við. Hetta verður síðani endurtikið við kunning um at tað verður samsýnt. Síðani má skipast fyri atkvøðugreiðslu, tí ov mong vóru um boðið.

Á komandi fundi hevur arbeiðsbólkurin, mannaður av fólki sum mátti hava fleiri innanhýsis fundir fyri at finna út av hvat tað var tey skuldu, gjørt eina eftirmeting av einum uppriti um eina strategi at gera tilmæli um eitt hoyringarskriv til avvarðandi myndugleika, og um alt gongur uppá stás, verður onki at hoyra frá tí aftur.

Men kann skilið vera nakað annað? Øll vita, at bólkaarbeiði við fleiri enn 5 fólkum er dømt at miseydnast, hvussu skal støðan so vera ein onnur við 30+ starvsfólkum í einum rúmi? Men fleiri fundarleiðarar síggja tað sum neyðugt at innkalla ØLL starvsfólkini á fund, heldur enn at taka málini upp við avvarðandi partar isolerað.

Tá tað kemur til fundarleiðarar, so eru teir bestu altíð teir, sum seta prís uppá ein heitan døgurða á miðdegi. Hava starvsfólkini høvi til sjálvi at velja toymisleiðarar, so skal ein sovorðin veljast. Hini, tey sum møta við barnagarðs-mateskju við tveimum flísum av rugbreyði við rødbedum, smurdum dagin fyri, mugu ongantíð útpeikast til toymisleiðarar, tí hesi kunnu saktans finna uppá at leggja fundirnar í døgurðasteðginum. Tá ein sjálvur hevur ein rotnan døgurðasteðg, hevur ein vanliga ikki so nógv ímóti at gera teir hjá øðrum líka rotnar.

Men tá alt kemur til alt, so eru fundir fyri at fáa fólk at halda seg hava ávirkan. Og tað er neyðugt í einum fólkaræði. Ikki at fólkið ræður – tað hevði verið púra ábyrgdarleyst – men at fólkið heldur, at tað ræður. Ein stjóri kann ikki bara taka eina avgerð. Hann má halda ein fund um avgerðina; alt annað hevði verið óciviliserað. Tí munurin á okkum, einum framkomnum fólkaræði, og so einum tilafturskomnum holi í triðja heiminum er, at her hjá okkum verður fólkið spurt eftir, áðrenn tað verður ignorerað.

Lýsing
Bloggarin
Sólfinn Hansen
cand.mag. & bac.scient.pol.

Sólfinn Hansen er føddur í 1978 og starvast í løtuni á Tekniska Skúla í Klaksvík. Hann er upprunaliga úr Klaksvík, nú búsitandi á Kambsdali. Hann er útbúgvin cand.mag. í føroyskum og søgu og B.S.Sc. í stjórnmálafrøði. Hevur síðani 2003 undirvíst á studentaskúla, HF, handilsskúla, tekniskum skúla og á Fróðskaparsetrinum. Sólfinn er eisini limur í Málráðnum.

Hvør bloggar
Sólfinn Hansen
cand.mag. & bac.scient.pol.

Sólfinn Hansen er føddur í 1978 og starvast í løtuni á Tekniska Skúla í Klaksvík. Hann er upprunaliga úr Klaksvík, nú búsitandi á Kambsdali. Hann er útbúgvin cand.mag. í føroyskum og søgu og B.S.Sc. í stjórnmálafrøði. Hevur síðani 2003 undirvíst á studentaskúla, HF, handilsskúla, tekniskum skúla og á Fróðskaparsetrinum. Sólfinn er eisini limur í Málráðnum.

Mimmy Vágsheyg
Íverkseti

Mimmy Vágsheyg er fødd í 1980 og uppvaksin á Lítlu Brekku í Klaksvík. Miðlingur av trimum systrum. Ein rokalig smágenta við stórum krúllutum hári - hon sum rann, súklaði og tuskaði við dreinginum frá morgun til kvøld. Hon lýsir seg sjálva sum mamma og leikandi venjari. Angrar bert tað hon ikki fekk gjørt. Hon siterar ofta Astrid Lindgren - “Hatta havi eg ikki roynt fyrr, so tað dugi eg heilt vist!”. Orð sum “ógjørligt” finnast slet ikki í hennara verð - naïv og "Optimist by Choice". Pausa er eitt pitstop, til at kunna fyrireika segat kunna drøna avstað aftur.

Bergur Jacobsen
Pensionistur

Bergur Jacobsen er føddur og uppvaksin á Stongunum í Klaksvík. Útbúgvin prestur frá Chichester Theological College, University of Southampton. Hevur verið prestur á Sandi, við donsku Kirkjuna í London, i Ordrup og í Føroysku Kirkjuni í Keypmannahavn. Starvaðist í Útvarpinum í átta ár, og var landstýrismaður fyri Sjálvstýrisflokkin í tvey ár. Bergur hevur ongantíð sæð ein heilan fótbóltsdyst, men spælt í nógvum hornorkestrum. Bergur hevur eisini verið blaðstjóri á Norðlýsinum og á Tingakrossi eitt stutt skifti.

Seinastu tíðindini
AB førdi 2-0 í Runavík men tapti
Menn eru einfaldir. Og einfalt er gott.
Meinhardt E. Olsen gjørdi hattrik
Lands­stýris­kvinnan: Læknar kunnu geva ka…
Borðtennis: Nýggir lands­liðsvenjarar
Edmund Joensen spyr Henrik Old um Selatr…
6. umfar av FM-kappingu­num í dart
Størv sum føroysk sendifólk verða ikki a…
Lýggjari í morgin
Team Klaksvík byrjar á útivølli móti odd…
Bragd, Kallanes og Norðsøki avreiddu í k…
Kavaæl, sunnanfyri - hví?
Føroyaprent vann útbjóðingina
Nærri ein er mikrofon­ini – longri burtur…
Greipuvinnarar­nir sett nýggjan venjara
Eg sakni heildarætlan fyri fiski­vinnuna
Jákup spyr Rigmor um Kringvarpið
Sissal E. Lervig nýggja Marknaðar/­samski…
Venjingardystir áðrenn lands­kappingina
Toppdystur á Kambsdali í kvøld
Lýsing