Tíðindi Politikkur Mentan Ítrottur Veðrið Lýsingar Norðlýsið Tekna hald
Lýsing
Lýsing
Tjúkka brúgvalagið úr Ísland og suðureftir fer at geva okkum avfall í nátt. Lágtrýstið, sum fer at geva okkum tann nógva vindin sunnudagin er enn ikki komið á myndina. | Mynd: www.dmi.dk

Vindur í vikuskiftinum

SKRIVAÐ: Hanus Kjølbro  |  12.01.2018 - 12:54 Tíðindi Veðrið

Hampuliga fitt av vindi verður í vikuskiftinum – serliga sunnudagin. Tá fer miðalvindferðin at liggja um storm.

Lágtrýstini vestanífrá koma eftir snóri – steðga á leiðini ímillum Ísland og Grønland, tí eitt hátrýst yvir Finnlandi forðar. Ímillum hesar báðar skipaninar – lágtrýstið og hátrýstið – er vanligt, at nógvur vindur er. Soleiðis verður í vikuskiftinum.

Harafturat verður trýstið í miðjuni av lágtrýstinum ógvuliga lágt – um 940 hPa seinnapartin sunnudagin. Og tað er lágt, ógvuliga lágt!

Lágtrýstini eru og verða plaserað í Grønlandsfjørðinum í vikuskiftinum – ættin í Føroyum fer tí at liggja ímillum landsynning-sunnan og útsynning alt vikuskiftið og inn í næstu viku.

Meira ítøkiliga, so verður landsynningur-sunnan í dag, í kvøld og í nátt, 14 til 20 m/s, ælaveður við regni, hitin fer at liggja um 6-7 stig. Leygarnátt fer at regna.

Í morginári minkar niður í 13 til 18 m/s, men tað kann væntast regn allan dagin. Seint leygarkvøldið minkar vindurin niður í 8 til 12 m/s, men sunnunátt fer aftur at veksa, og klokkan 6 sunnumorgun er vindferðin komin upp í 18 til 23 m/s. Tað fer eisini at regna sunnumorgun.

Fyrrapartin sunnudagin veksur upp í 20 til 25 m/s eina løtu, og tað fer at regna illa. Seinnapartin slítur í, og vindurin minkar niður um 20 m/s.

Gott vikuskifti.  

Lýsing
Seinastu tíðindini
AB førdi 2-0 í Runavík men tapti
Menn eru einfaldir. Og einfalt er gott.
Meinhardt E. Olsen gjørdi hattrik
Lands­stýris­kvinnan: Læknar kunnu geva ka…
Borðtennis: Nýggir lands­liðsvenjarar
Edmund Joensen spyr Henrik Old um Selatr…
6. umfar av FM-kappingu­num í dart
Størv sum føroysk sendifólk verða ikki a…
Lýggjari í morgin
Team Klaksvík byrjar á útivølli móti odd…
Bragd, Kallanes og Norðsøki avreiddu í k…
Kavaæl, sunnanfyri - hví?
Føroyaprent vann útbjóðingina
Nærri ein er mikrofon­ini – longri burtur…
Greipuvinnarar­nir sett nýggjan venjara
Eg sakni heildarætlan fyri fiski­vinnuna
Jákup spyr Rigmor um Kringvarpið
Sissal E. Lervig nýggja Marknaðar/­samski…
Venjingardystir áðrenn lands­kappingina
Toppdystur á Kambsdali í kvøld
Lýsing