Lýsing

Áttu hvør sín hálvleik í Runavík

SKRIVAÐ: Jákup Ósá  |  13.02.2018 - 22:16 Ítrottur Tíðindi

NSÍ og KÍ leiktu venjingardyst í Runavík í kvøld.

Kavin var ruddaður av vøllinum við Løkin og at síggja til var spælandi, hóast myrkur og hálka altíð ávirka nakað, tá spælt verður um kvøldarnar um hesa ársins tíð. Talan bleiv um dyst, har liðini átti hvør sín hálvleik. KÍ sat á tí mesta í fyrra hálvleiki og fekk eisini einasta málið hendan hálvleikin. Ronni Møller-Iversen sendi gott hornasparksinnlegg til Semir Hadzibulic, sum skallaði bóltin í málið. Í seinna hálvleiki sat NSÍ á tí mesta og fekk eisini einasta málið hendan hálvleikin og uppskriftin var tann sama, sum tá KÍ skoraði. Árni Frederiksberg sendi gott hornssparksinnlegg til Øss Dalbúð, sum skallaði bóltin í málið. 1-1 var endaliga úrslitið.

 

 

NSÍ-KÍ 1-1 (0-1)

0-1: Semir Hadzibulic (Upplegg: Ronni Møller-Iversen)

1-1: Øssur Dalbúð (Upplegg: Árni Frederiksberg)

 

 

NSÍ byrjaði við hesum liðnum (4-4-1-1): Eli Joensen – Bárður J. Hansen, Jóhan T. Davidsen, Per Langgaard, Jens Joensen – Árni Frederiksberg, Karl Løkin, Pól Jóhannus Justinussen, Petur Knudsen – Betuel Hansen, Klæmint A. Olsen. Í seinna hálvleiki gjørdi NSÍ fleiri útskiftingar.

KÍ byrjaði við hesum liðnum (4-3-3): Meinhardt P. Joensen – Boris Dosljak, Marko Dusak, Hørður H. Askham, Óli Ey. Poulsen – Hákun Edmundsson, Ronni Møller-Iversen, Semir Hadzibulic – Jóannes Bjartalíð, Páll A. Klettskarð, Hjalgrím Elttør. Í hálvleikinum komu Andrias á Marknagili, Kristoffur Jakobsen og Steinbjørn Olsen inn og seinni komu Jóhan W. Høgnesen, Dion Splidt og Jonn Johannessen inn.

Lýsing
Seinastu tíðindini
Upptakt: KÍ-EB/­Streymur
Hanus væntar at hava opið til midnátt
Útleigaður KÍ leikari kann spæla móti KÍ
Yvir 10.000 portiónir av fish & chips ti…
Øssur Thomsen bøtti skjótast
Sólva, Elin, Boas og Oluf svumu skjótast
Andrias og John vunnu sera spennandi fin…
Ferđsluavbjóđ­ingar á Sjómanna­degnum
Hesi vunnu fiski­kappingina
John Havn egnir skjótast í 2018
Eydna og Dávur vundu skjótast
Egga Heinesen vann agnskeringina
JFK serverar Fish&Chips
Bestu skip í nøgd og virði
Nógv fólk til setanina
Seglskip­ini komu á Klaksvík
Málslúku­rin alir síl í Miðjútlandi
Høgni Hoydal setur Føroya Sjómannadag um…
Uden mad...
Vatnkríggið var ógvusligt