Á sínum facebook vanga hevur hann tikið nakrar myndir sum vísa elendiga standin sum vegurin er í. Atli skrivar:

- Nú er tað so, at eg koyri frá Eiði til Ánirnar (Norðhavnina) hvønn dag. Tað er umleið 50 km har 49,8 km eru góðir vegir og pent umhvørvi. So komi eg til Grønhólm, kann heilsa og siga at einki er grønt og idylliskt, sjálvt um navnið leggur upp til tað. Holir í vegnum so stórar sum bilar, gamalt jarn flýtur allastaðni, útasaðar bingjur osfr.. Eg havi koyrt norð her nú í 7 ár og tað stendur við og versnar. Stór skomm, sigur Atli Simonsen.

Herfyri boðaði borgarstjórin Jógvan Skorheim frá, at tað skuldi gerast vakrari í Klaksvíkar kommunu. Sum myndirnar vísa, so er nakað at fara í gongd við. 

Grønhólmur er fyrsta stað, sum ferðafólk síggja tá tey koma við stóru Cruise-skipunum um summarið. Harumframt er vegateinurin eisini unt teimum at royna. 

Stórt vinnuvirksemi er á Norðhavnini og slíkar umstøður kunnu ikki góðtakast.