Lýsing
Lýsing

Zara Larsson syngur á Vágsbø

SKRIVAÐ: Summarfestivalurin  |  23.02.2018 - 16:15 Tíðindaskriv Tíðindi

Svenska heimsstjørnan við teimum stóru hittunum framførir á Summar Festivalinum í august

Tað er eitt av heilt stóru nøvnunum í altjóða popptónleiki, sum Summar Festivalurin í dag kunnger.

Aktuella svenska poppstjørnan Zara Larsson, sum hevur hittað um allan heim við sangum sum Lush Life, Uncover, Symphony og This One’s For You kemur á ársins Summar Festival at hava konsert. Hon kemur av heimsins tónatindum á Vágsbø at spæla.

– Hetta er ein av størstu løtunum í søguni hjá Summar Festivalinum. Vit eru sera fegin um at kunna bjóða okkara gestum eitt av heitastu og mest aktuellu nøvninum í alheims popptónleiki, sigur Erik Biskopstø, sum er ein av fyriskiparunum av Summar Festivalinum.

20 ára gamla Zara Larsson vann sum 10 ára gomul svensku Talent-kappingina og gjørdist landskend í Svøríki, men hetta var bert byrjanin til eina stóra tónleikakarrieru. Í 2012 gjørdi hon sáttmála við plátufelag, og árið eftir var sangurin Uncover ovast á hitlistunum í norðurlondum.

Síðani kom tað stóra altjóða gjøgnumbrotið. Á sumari 2016 framførdi hon saman við David Guetta sangin This One’s For You, sum var almenni sangurin til EM endaspælið í mansfótbólti. Tá ið hon í fjør kom við útgávuni So Good, hevði hon slóðað so væl fyri sínum tónleiki, at ein sangur fyri og annar eftir gjørdist hitt – sangir sum Lush Life, Never Forget You, I Would Like, So Good, Symphony og aðrir.

Zara Larsson hevur samstarvað við aðrar stjørnur sum Clean Bandit, MNEK, WizKid og Tinie Tempah. Hon hevur sungið til sentanarhátíðina og endahátíðina í EM-kappingini í mansfótbólti, og tá ið Nobel heiðurslønirnar vóru handaðar í fjør, hevði hon framførslu saman við John Legend.

Zara Larsson er nú ein verulig heimsstjørna, sum stendur í fagrasta blóma. Hon spælir stórar konsertir kring allan heimin, hon hevur yvir tvær milliardir spælingar bara á Spotify, hon er fastur gestur á hitlistunum, og nú kemur hon til Føroya at framføra á Summar Festivalinum.

Summar Festivalurin verður hildin í døgunum frá 9. til 11. august.

Lýsing
Seinastu tíðindini
Fantastiskt Requiem í Varpinum skírisdag
Jákup B. Andreasen kann skjótt blíva klá…
Requiem í Varpinum skírisdag
Ein heimskendur hándverkari! 
Framsýning á Viðareiði á páskum - Undir…
Sangkórið og Jógvan Mortensen syngja í B…
Áhugaverdur djóragarður í Kunoy
Aðalfundir og lagnusøgur á Krígssavninum
Meistarar og lærisvei­nar í Gøtu
Fyrsta Reyða Kross Summarlegan
Pengar fyri bøtur úr Føroyum eiga at far…
Klaksvík kosið millum vakrastu býir í he…
Mass Hoydal leiðari fyri Visit Runavík
Svimji­høllin um Páska­høgtíðina
Frá Melodi Grand Prix til FríðuTónar
Hiddenfjord fingið altjóða góðkenning fy…
Stór ungdóms­páskastevna í Havn um vikusk…
Uni Holm Johannsen: - Tann fyrsta breið…
Stór listaframsýning við Løkin
Grundøki til sølu Undir Gerðhamri í Hvan…