Hans Jacob: - Vit hava ein spennandi hóp
Kommunumaðurin við stóra KÍ hjartanum er spentur at síggja hvussu nýggju KÍ leikararnir fara at roynast
Hans Jacob Heinesen fylgir KÍ í viðgongd og mótgongd. Hann er íðin KÍ viðhaldsmaður og hevur verið virkin innan KÍ sum leikari og venjari. Seinastu mongu árini hevur hann verið skrivstovumaður hjá KÍ. Ein sannur fongur fyri KÍ.
Vit spyrja Hans Jacob um hvat hann heldur um KÍ liðið í ár.
- Eg haldi vit hava ein spennandi hóp. Tað verður ein avbjóðing at fáa liðið samanspælt nú útskiftingin bleiv so stór. Men tad skal Mikkjal nokk klára, sigur Hans Jacob.
Spurdur um hvar hann væntar at KÍ endar á stigatalvuni í ár, er hann vónríkur.
- Eg havi góðar vónir. Tvey tey seinastu árini hava fleiri av okkara leikarum kappast um FM, og sum tíðin gongur, so fáa teir fleiri og fleiri royndir. So teir skulu nokk verða klárir. So verður eisini spennandi hvat teir nýggju fara at geva liðnum, sigur Hans Jacob
Tað er altíð spennandi at síggja nýggjar ungdómsleikarar koma á besta liðið og vit spyrja Hans Jacob um hvønn leikara vit serliga skulu hava eyguni eftir.
- Óli Eyðsteinsson Poulsen hevur klára seg væl higar til. Hann hevur royndir frá U-landslidnum. Tað verður spennandi at fylgja vid honum. Vit mugu ikki gloyma at hettar er fyrsta árið hjá honum, so hann skal venja seg til tað, sigur Hans Jacob at enda.
Klaksvíkskappingin byrjar nú leygardagin og skráin er hendan.
Leygardagin 24 februar kl. 13:00: B36 – Víkingur
Leygardagin 24 februar kl. 15.30: NSÍ – KÍ