Søgur av Flemish Cap
Helgi Jacobsen, rithøvundur hugleiðir í Miðhøllini á Skúlatrøð leygardagin kl. 15 um, tá tær fyrstu føroysku fiskiroyndirnar í nýggjari tíð vórðu gjørdar á Flemish Cap. Hetta var í 1956 við Atlantsfarinum, sum Poul Hansen, reiðari í Havn hevði leigað frá Onnu Isaksen í Klaksvík.
Fleiri norðoyingar vóru við henda túrin, millum aðrar Osvald og Martin Sivertsen, Jógvan Isaksen, Einar Jacobsen og Óli Wolles. Skipari var Júst í Túni.
Eyðun Mohr Viderø, fyrverandi løgtingslimur greiðir frá túri, hann var við Beinir í 1958 á Flemish Cap, har Eiler Jacobsen var skipari.
Gunnar Nolsøe hevur samrøðu við menn, sum hava roynt seg á Flemish Cap.
- Jóan Petur Klein, sum m.a. var við Pison
- Sámal Jákup Olsen skipari, sum m.a. var við Klakki, Norðingi og Jógvan S á Flemish Kap
- Poul Sivar Olsen, sum m.a. var skipari á Borðoyanes vártúrin 1986, tá ið Líggjas á fyrsta sinni var stýrimaður henda túrin
- LÍggjas Johannesen verið stýrimaður og skipari sum ungur – og nú skipari við egnum skipi á Flemish Kap
- Andras Holm Arge, sum var við Pison í 1985, har Martin í Birgi var skipari
Aftaná verður boðið til ein kaffimunn og sjómansprát av Flemish Cap, umframt ein brellbita av Flemish Cap (saltfiskarætt).