Rói Jacobsen úr Hvannasundi stillar upp
Formaðurin í Miðflokkinum fekk eitt valevni í pottin við sær úr Klaksvík í kvøld. Karsten Hansen fer eftir øllum at døma ikki at stilla upp til komandi løgtingsval
Miðflokkurin skipaði fyri samanlagdum kjak- og uppstillingarfundi á Hotel Klaksvík í kvøld. Fundarluttakararnir, eini 20 í tali, spurdu óført teir báðar løgtingslimirnar Jenis av Rana og Bill Justinussen um ymisk politisk mál.
Lagið var gott á fundinum.
Jenis av Rana, formaður í Miðflokkinum segði, at tey ynsktu at fáa valevnir í Norðoyggjum á listan til komandi løgtingsval. Rói Jacobsen, sum býr í Hvannasundi og er 50 ára gamal játtaði at koma á listan.
Karsten Hansen, sum á seinasta løgtingsvali fekk 206 persónligar atkvøður, varð eisini á fundi og hevði orðið nakrar ferðir. Sum kvøldið leið gjørdist tað meira og meira greitt, at Karsten neyvan fer at stilla upp til komandi løgtingsval.
Jenis av Rana róði framundir at hann visti um okkurt valevni, ið var akutelt til listan, men vildi ikki avdúka nakað navn.