Leygardagin hevði Tjóðveldi flokksting í Tekniska Skúlanum í Klaksvík, men tað er ikki ov nógv sagt at fráveran av norðoyingum á fundinum talaði sítt tíðiliga sprog.

Við nevdarlimum, orðstýrara og fundurskrivara kundu norðingar neyvan teljast á tveimum hondum og Katrin Næs, sum alt sítt lív hevur verið Tjóðveldisfólk, men sum seinru árini ikki hevur verið so ásýnilig, setti orð á larmandi fráverðuna, og vísti til at nokk var ikki við føgrum orðum um einar javnari Føroyar - men tað krevst aktion.

Tunnlarnir norð um fjall

Hon gjørdi greitt at málið um tunlarnar norður um fjall, kundi ikki bíðja longur, Hon samstundis greiddi at uppskotið um at fíggja tunnilin við bummpengum úr Norðoyatunnlinum, var einans eitt uppskot, og um landstýri hevði eitt betri uppskot, sum kundi skunda undir tunnilsgerðina, so var bara at koma við tí.

-  Eg havi frætt at eitt mál liggur í samferðslumálaráðnum, um at leggja ein SEV háspennings kaðal í sjálva vegbreytina í gomlu tunlunum Norður um fjall, Sum skilst torur eingin at taka støðu til hetta málið í løtuni, tí tað fór at krevja at tunlarnir, sum eru einasta farleiðin norður um fjall, fóru at verða stongdir frá kl. 22 á kvøldi til 8 á morgni hvønn dag og tað kunnu fólk í bygdunum norðanfyri als ikki liva við.

- Mær dámar ikki orðið útjaðari. Eg sigið fyri meg at eg meti meg ikki búgva í einum útjaðara. Eg búgvi í Føroyum. Eg eri eins góður borgari í hesum landi, sum tá eg búði tveir minuttir frá Vaglinum. Og eg krevji eisini mín rætt samsvarandi.

- Minnist til at ein rættiliga fittur partur av útflutningsvirði Føroya hevur sín uppruna júst í økinum norðan fyri fjall.

- So mínar dámur og harrar - her krevst aktion!!!