Familjufyrisitingin verður almennur stovnur, sum fer at viðgera millum annað samveru, barnapengar, hjúnaskilnað og separatión, verjumál og ættleiðing. 

Harumframt fer Familjufyrisitingin at veita barnaserkøna ráðgeving og mekling.

Torbjørn skrivar á sínum facebook vanga í dag, til tíðindini sum Kringvarpið bar í dag um at Familjufyrisitingin hjá Landsstýrinum skal liggja á Bryggjubakka í Tórshavn:

21. februar í ár vitsti Útvarpið at siga: "Familjufyrisitingin hjá landsstýrinum verður í Havn. Tað sigur Turið Arge, aðalstjóri í Heilsu- og Innlendismálaráðnum. Hon vil tó ikki siga enn, hvar umsitingin verður. Hon verður tó ikki har, sum Heilsu- og Innlendismálaráðið húsast."

Ein aðalstjóri eigur neyvan heimildina til at taka eina avgerð sum hesa. Staðsetingin er politisk, sjálvandi, og tí er spurningurin, um Sirið Stenberg hevur tikið avgerðina einsamøll ella um hon hevur kollektiviserað avgerðina á einum landsstýrisfundi.

Bryggjubakki (í kjarnuni, har øll onnur almenn arbeiðspláss frammanundan eru) bleiv altso adressan hjá einum nýggjum landsstovni, og væntiliga eru tað fleiri enn eg sum spyrja:

Fanst veruliga ongin onnur adressa í øllum landinum til hendan nýggja almenna stovnin?

Av royndum veit eg, at tað er ófatiliga tungt at flyta nakað sum helst úr meginøkinum, bæði politiska- og umsitingarliga skipanin stríðast sum úlvar á skóg ímóti, tí stendur landsstýrismaðurin ómetaliga einsamallur, men tað er áður prógvað, at tað ber til. Almanna- og Heilsuskúlin í Suðuroy er eitt av fleiri dømum. Eftir tað staðsetingina varð sagt, at nýggir stovnar skuldu leggjast uttanfyri meginøkið, um tað á nakran hátt bar til, men etableringin av hesum nýggja stovninum á Bryggjubakka staðfestir, at eisini tað syndrið av økispolitikki er farin fyri bakka.

Argumentini hópast upp hjá alternativa flokkinum í umbúna