Video: Tá KÍ við 9 leikarum vann á VB á Norðoyastevnu í 1998
Ein av minniligastu dystunum við Djúpumýru í 1990'unum var 7. juni í 1998. VB vitjaði í Klaksvík í landskappingardysti á Norðoyastevnu.
KÍ kom á odda í 61. minutti við máli frá Rógva Jacobsen. Men so kom dramatikkurin. Jan Joensen og Símun W. Høgnesen fingu reytt kort og síðani javnaði Milan Kuljic fyri VB í 75. minutti. Men hóast 9 móti 11 leikarum seinastu løtuna, so fekk KÍ sigursmálið í síðsta minutti. Jan Andreasen fór framvið í álop, spældi Rógva leysan og so var 2-1 til KÍ. Tá kókaði við Djúpumýru og KÍ venjarin Jóannes Jakobsen tók enntá túrin yvir á ''hillina'', har málið bleiv ''feirað''. Avgerandi málið kann síggjast á 1.27.25 niðanfyri. Sí annars upplýsingar frá FaroeSoccer niðanfyri.
Upptøka: Ólavur Wolles
Digitalisera frá VHS video: Ólavur Wolles
Stað: Djúpumýra Klaksvík
Samskipað: John William Joensen