Lýsing
Lýsing
Ólavur á Váli Olsen

Seks sangarar á Summar Festival

SKRIVAÐ: Tíðindaskriv  |  15.05.2018 - 16:17 Mentan Tíðindaskriv

Summar Festivalurin kunnger í dag seks sangarar til ársins festival

Summar Festivalurin er í summarhýri og kunnger í dag seks sangarar, sum skulu spæla á festivalinum í august.

Tey seks eru: Guðrun Sólja Jacobsen, Ingi Poulsen, Ólavur á Váli Olsen, Ingibjørg Hansen, Sámal Ravnsfjall og Kim Hansen

Guðrun Sólja Jacobsen vann øll hjørtu, tá ið hon í 2003 vann sangkappingina Stjerne for en aften, sum Danmarks Radio skipaði fyri. 15 ár seinni er Guðrun Sólja aftur búsitandi í Føroyum, her hon serliga fæst við sangfrálæru. Hon framførir eisini javnan til ymisk tiltøk, og nú kemur hon á Summar Festivalin at syngja.

Dugnaligi countrysangarin Ólavur á Váli Olsen hevur sungið og spælt alment í nógv ár, og í fjør gav hann sína fyrstu útgávu út. Ólavur syngur countrysangir, andaligar sangir og fosturlandssangir, og hann syngur á bæði enskum og føroyskum máli.

Sámal Ravnsfjall er av mest royndu føroysku tónleikarunum. Hann hevur spælt í bólkum, og hann hevur havt óteljandi framførslur sum solistur. Sámal hevur spælt á mest sum hvørjum tanga, og eisini í útlandinum hevur hann ferðast sum tónleikari.

 Sámal Ravnsfjall

 

Ingibjørg Hansen úr Mikladali er ein sera evnarík songkvinna, sum hevur verið við á Summar Festivalinum nakrar ferðir. Hennara framførslur hava verið hugtakandi, og í miðdeplinum er tann framúr góða røddin hjá ungu kvinnuni.

 

Ingibjørg Hansen

 

Nólsoyingurin Kim Hansen er millum størstu profilarnar í føroyskum tónleiki. Dugnaligi klaverspælarin og sangarin hevur framført nógv sum solistur og í skiftandi bólkum. Hann er ein av teimum, sum fær alt at rigga og dugir at lofta løtum og tiltøkum.

Ungi vágbingurin Ingi Poulsen hevur við sínum fangandi sangum og eyðkendu suðuroyarrødd sungið seg út millum føroyingar. Sangurin »Tann fittasta« gjørdist risahitt, og í hesum døgum verður sangurin »Tá ið eg síggi teg« nógv spældur.

Summar Festivalurin verður hildin í døgunum frá 9. til 11. august.

Lýsing
Seinastu tíðindini
Jákup B. Andreasen kann skjótt blíva klá…
Requiem í Varpinum skírisdag
Ein heimskendur hándverkari! 
Framsýning á Viðareiði á páskum - Undir…
Sangkórið og Jógvan Mortensen syngja í B…
Áhugaverdur djóragarður í Kunoy
Aðalfundir og lagnusøgur á Krígssavninum
Meistarar og lærisvei­nar í Gøtu
Fyrsta Reyða Kross Summarlegan
Pengar fyri bøtur úr Føroyum eiga at far…
Klaksvík kosið millum vakrastu býir í he…
Mass Hoydal leiðari fyri Visit Runavík
Svimji­høllin um Páska­høgtíðina
Frá Melodi Grand Prix til FríðuTónar
Hiddenfjord fingið altjóða góðkenning fy…
Stór ungdóms­páskastevna í Havn um vikusk…
Uni Holm Johannsen: - Tann fyrsta breið…
Stór listaframsýning við Løkin
Grundøki til sølu Undir Gerðhamri í Hvan…
Danmark hevði munin