Tíðindi Politikkur Mentan Ítrottur Veðrið Lýsingar Norðlýsið Tekna hald
Lýsing
Lýsing
Soleiðis sá vøllurin út, tá dysturin bleiv útsettur fyrstu ferð, sum var 2. páskadag. | Mynd: KÍ-kvinnur á facebook

EB/Streymur/Skála skilir ikki avgerð um at flyta dyst í Klaksvík

SKRIVAÐ: Jákup Ósá  |  16.05.2018 - 12:28 Ítrottur Tíðindi

Arni K. Abrahamsen, formaður í Skála, sigur, at EB/Streymur/Skála hevur sent eitt skriv inn til FSF, har víst verður á, at einki grundarlag var fyri at útseta kvinnudystin millum KÍ og EB/Streym/Skála.

Dysturin í bestu kvinnudeildini millum KÍ og EB/Streym/Skála skuldi spælast 2. páskadag í Klaksvík. Men kavi var komin á vøllin, og tí bleiv dysturin útsettur. Arni K. Abrahamsen er formaður hjá Skála.

- Dysturin bleiv síðani ásettur av FSF til at vera hóskvøldið í somu viku. Men tað, sum síðani hendir er, at Kappingarnevndin hjá FSF ógildar avgerðina við tí orsøk, at KÍ hevur víst á, at vøllurin í Klaksvík er ikki tøkur hetta hóskvøldið. Vit fóru til Klaksvíkar at kanna umstøðurnar hetta kvøldið og vit sóu eina vanliga venjing hjá Betri liðnum hjá KÍ monnunum. Vit tóku myndir av hesum og hava sent tað inn til FSF saman við einari frágreiðing um, at soleiðis sum vit upplivdu tað, so var eingin forðing í Klaksvík fyri at spæla hetta kvøldið, tí ein vanlig venjing hjá Betri liðnum hjá monnum er ikki nóg góð orsøk til ikki at avgreiða ein dyst í bestu kvinnudeildini.

- Vit halda, at besta kvinnudeildin skal virðast eins og besta mansdeildin, og tá verður dentur altíð lagdur á, at verður dystur útsettur, so skal hann spælast skjótt aftaná t.d. dagin eftir ella í somu viku. Vit vænta ikki, at vit fáa nakran ítróttarligan ágóða við hesum, men at FSF kann staðfesta, at feløg ikki kunnu fáa kappingarnevndina at hoppa uppá falskar grundgevingar, um tað er soleiðis, sum vit upplivdu tað. Tí kvinnukappingin skal fáa tað somu virðingina sum manskappingin, har útsettir dystir vera leiktir dagin eftir ella í somu viku, sigur Arni K. Abrahamsen. Hann sigur, at tað kann hugsast, at KÍ vildi hava dystin útsettan, tí onkur/onkrir leikari/ar ikki vóru tøkir hendan dagin og samstundis vóru leikarar tøkir hjá EB/Streymi/Skála, sum ikki blivu tøkir seinni, tí hesir fóru uttanlands.

 

Málið er í aganevndini

Róin Schrøter er formaður í kappingarnevndini hjá FSF. Hann sigur, at hetta málið er koyrt í aganevndina av ymiskum orsøkum, og so leingi sum málið liggur har, so ger hann ikki viðmerkingar til málið.

 

Hesin umtalaði dysturin í bestu kvinnudeildini millum KÍ og EB/Streym/Skála verður leiktur í Klaksvík hóskvøldið kl. 18.00 í hesi vikuni. Undan dystinum liggur EB/Streymur/Skála á odda við fullum stigatali, meðan KÍ er á 3. plássi, trý stig aftanfyri EB/Streym/Skála.

Lýsing
Seinastu tíðindini
Forkunnug vitjan í Christians­kirkjuni
Norð­oyastevnuskráin: Áminning
Suðurættin – hvussu er hon?
Video: Grazer AK-KÍ frammanfyri 9800 ásk…
KÍ økti um munin í 1.deild
Slóða fyri: Planta eitt træ
Slóða fyri: Endabrestu­rin i dag - skrá
Slóða fyri: Hjólvelting kl. 11 uttan fyr…
Nógvir súkklarar á vegnunum um hvítusunn…
Menniskjalívið: Frá móðurlívi til grøv
Oddaliðið KÍ fær vitjan av Skála í 1.dei…
Video: Tveir KÍ-HB dystir frá 1998
Nakrar myndir frá Vit og Skil tiltakinum
Jóhanna: - Her er góður stemningur
Viðmerk­ingar til Høgna Hoydal um sáttmál…
Gev burturav tínum data til onnur ið tør…
Runavíkar Kommuna bakkar
So byrjar arbeiðið í Skúvadali aftur
Lýtt og vátt í vikuskiftinum
Semja millum Kommunulækna­felagið og Fígg…
Lýsing