Lýsing
Lýsing

Róðrargrunnur Føroya játtað fimm feløgum stuðul

SKRIVAÐ: Tíðindaskriv  |  17.05.2018 - 08:26 Mentan Tíðindaskriv

Fimm kappróðrarfeløg fáa stuðul úr endurreista Róðrargrunni Føroya í 2018. Grunnurin hevur gjørt av, at av teimum 100.000 kr., sum grunnurin letur í ár, fær hvørt av teimum fimm feløgunum 20.000 kr. til bátabygging.

Róðrargrunnur Føroya fekk umsóknir frá seks feløgum. Talan var í øllum seks førunum um stuðul til at smíða nýtt 5-mannafar. Í einum føri var báturin liðugur og latin felagnum. Tann umsóknin varð ikki gingin á møti.

Tey fimm feløgini, sum fáa stuðul úr grunninum, eru:

1. Miðvágs Róðrarfelag
2. Sandavágs Kappróðrarfelag
3. Hvalvíkar Streymnesar Róðrarfelag
4. Kappróðrarfelagið Tindur
5. Froðbiar Sóknar Róðrarfelag

Stuðulin verður útgoldin, tá kjølurin er strektur, og er stuðulin ikki brúktur 31. mars í 2019, fellur peningurin aftur til grunnin. Tá kann felagið tó søkja av nýggjum næsta ár.

Róðrargrunnur Føroya varð endurreistur í 2018 eftir at hava ligið í dvala í fleiri ár, tí ongar rentuinntøkur hava verið av stovnsfænum. Á fíggjarlógini fyri 2018 játtaði løgtingið 100.000 kr til at smíða kappróðrarbátar at styðja upp undir tjóðarítrótt føroyinga. Róðrargrunnur Føroya varð stovnaður í 1970.

Virksemið hjá grunninum í 2019 er treytað av, at løgtingið aftur játtar grunninum pening á fíggjarlógini í heyst.

Róðrargrunnur Føroya
rodrargrunnur@gmail.com

Lýsing
Seinastu tíðindini
Set ongan eftir
Skótalið Nólsoyar Pálls 75 ár
Mentan­arvikan í Runavíkar kommunu
Núpur góðan túr norð­anfyri
Nógv hýsa og longa á Føroya Banka
Kvikk landar á Kósini í morgun
Ríkisveitingin bjargar 14. september-sam…
Team Klaksvík vann í Kollafirði
Flott Eyðgunn!
Høgni Hoydal og Fiski­mála­ráðið kæra John…
Sum smádrongur raks eg á plenuni í tíð…
Ynskja føroyingar ikki eitt gott heilsu-…
200 ára hátíðarhald á Nesi fyri Hammersh…
Eldrasamkoma í Betesda  
Landstýris­kvinnan í Heilsumálum, skal sv…
Ótrúliga flott í Abu Dhabi
Mjølnir fingu bank
KÍ væl umboðað á A-lands­liðnum
Team Klaksvík í Kollafirði mikukvøldið
Magnus spyr um yvirtøkur
Lýsing