Lýsing
Lýsing

Hotel Hafnia og Articon gjørt sáttmála um nýtt hotell á Oknarvegnum í Havn

SKRIVAÐ: Tíðindaskriv  |  17.05.2018 - 09:02 Tíðindi Vinna

Hotel Hafnia, sum hevur langar og stoltar traditiónir innan gistingarhúsvinnuna í Føroyum, er nýliga høvuðsumvælt og er í dag eitt fult dagført gistingarhús við betri, fleiri og fjølbroyttari gistingarmøguleikum enn áður.

Ferðavinnan er nógv ment seinnu árini og er nú ein týðandi vinna í Føroyum. Um ferðavinnan framhaldandi skal vaksa, er tó neyðugt, at útboðið av gistingarmøguleikum verður enn størri og fjølbroyttari. Í løtuni er støðan, at vit hava vit nøktandi orku, tá talan er um flutning, meðan trotið á gistingarmøguleikum forðar fyri víðari menningini av ferðavinnuni í Føroyum.    

Stóra almenna og privata arbeiðið innan menning av ferðavinnu í Føroyum, stóru íløgurnar, ið eru gjørdar í matstovur og onnur ferðavinnutilboð seinastu árini, umframt økta flutningsorkan í flogvinnuni ger, at Hotel Hafnia hevur avgjørt at fara undir eina størri hotell verkætlan.

Arbeitt hevur verið við hesi ætlan í fleiri ár, men nú er loksins avtala gjørd við byggifelagið Articon um bygging av hotellinum. Byggingin skal eftir ætlan byrja í august 2018, og hotellið skal takast í nýtslu 1. mai 2020. Byggingin er treytað av, at endaligt byggiloyvi verður givið.

Nýggja hotellið verður bygt á Oknarvegi í Havn. Hotellið er sniðgivið soleiðis, at tað passar væl inn í náttúruna og lendið. Útsíðurnar verða úr timbri og glasi, og flag verður lagt á tekjuna. Hotellið hevur 126 kømur, góð fundarhøli og góð parkeringsviðurskifti, har pláss er fyri 130 bilum. Ætlanin er, at hotellið skal kunna hýsa bæði føroyingum og útlendskum ferðafólki, ið hava tørv á gisting og fundarvirksemi.

Umframt nýggja hotellið á Oknarvegnum rekur Hotel Hafnia eisini Hotel Skálavík á Sandoynni.

Hotel Hafnia er partur av Smyril Line samtakinum, og tá ið nýggja hotellið stendur liðugt, hevur samtakið gott og væl 230 kømur at ráða yvir. 

 

 

Lýsing
Seinastu tíðindini
Ferðamanna­skip í havsneyð
Veiðigjøld­ini helst av ongum
Christianskirkjan bjóðar morgunmat
Hesir byrja móti Malta í kvøld
Enn er eitt sindur av vindi
Høgni Hoydal hóttir feðgarnar á Norðlýsi…
SEV velur ikki ta skilagóðu loysnina fyr…
Bindibloggan – Majken Hammer - Tráðurin
Kjósan: Ársins ferða­vinnu­fólk, Ársins ný…
Seta tiltøk í verk fyri at minka um plas…
Føroyingar søkja um limaskap í WorldSkil…
KÍ kvinnur­nar spæla toppdyst móti ÍF/­Vík…
Versnandi viðurskift­ini millum NATO og R…
Norðoya Sparikassi 14,2 milliónir í avlo…
Veðrið í dag - dagført
Norð­oyingar­nir í samgonguni formenn
Hvat siga tøl so sum vekt og BMI, um hei…
Afturlatin uppboðssøla á Vørn tann 21. m…
Hvat vil tú hava: písk ella gularót?
Hvønn týdning hevur eitt gott kappingarf…
Lýsing