Suðurættin – hvussu er hon?
Eitt lágtrýst hevur lat seg yvir Ísland. Trýstið í miðjuni er niðri á 978hPa, og tað er eitt sindur lágt. Luftin melur ímóti klokkuni rundan um eitt lágtrýst, og tí er suðurætt í Føroyum í dag – seinnapart og kvøld.
Nakrar tímar eftir midnátt fer ættin at broytast….
Hvussu skikkar suðurættin seg í Føroyum? Vit hava mátistøðirnar hjá Landsverki at siga okkum eitt sindur um tað.
Vit byrja vit flogvøllinum. Flogfarið hjá Atlantic, sum skuldi fara lenda klokkan 13.40, lendi ikki fyrr enn klokkan 14.43. Tað skuldi fara aftur til Keypmannahavnar klokkan 14.35, men fór ikki fyrr enn klokkan 15.40. Flogfør hjá SAS hvørki komu ella fóru í úr Vágum dag.
Mátistøð Landsverks í Mykinesi hevur víst, at vindferðin í hvirlunum seinnapartin hevur verið um 23 m/s – miðalvindurin hevur verið um 18 m/s.
Í Klaksvík – á Gerðabøi – hava hvirlurnar seinnapartin verið tær somu sum í Mykinesi, men miðalvindurin hevur verið um 11 m/s.
Við Tjørnuvíkarvegin hevur veðurstøðin hjá Landsverki víst miðalvindferð seinnapartin, sum hevur verið um 4 m/s – hvirlurnar hava ligið um 12 m/s.
Kundi tikið aðrar veðurstøðir, men tær bíða til eina aðru ferð.
Suðurættin fer ógvuliga ymiskt við sær kring landið….