Tað er sera umráðandi at vit seta tíð av til fegnast saman við teimum, sum eru glað.

Kongshús, sum vit kenna tey um okkara leiðir í dag, letur fólkaræði í ein menniskjaligan búnað, sum skiftir lit við árstíðunum.

Kongafamilan gevur eisini tjóðini, ríkinum eitt menniskjaligt anlit. Kongshúsið hevur ikki einans megi við traditiónum, at binda okkum saman við forfedrum okkara, savna og virka óheft av partapolitikki, og politikarum, sum tráða eftir valdi, men hevur eisini mátt og megið til at bróta upp úr nýggjum og seta nýggja kós.

Bretska Kongshúsið hevur ikki vald ella møguleika at ávirkað samfeløg og menniskju gjøgnum troyttandi og spjaðandi lóggávu, sum verður framd av rossahandlum millum og av politikarum, men við orðum, verkum og fyrimyndum.

Hesi sum eru fødd til slíka ábyrgd hava fingið eitt tungt ok at bera, tí nógv verður kravt av teimum.

Tí ynskja vit hesum báðum vøkru menniskjum, sum í gjár svóru hvør øðrum eið um at bera hvønn annan til deyðin skilir, eitt hjartaliga tillukku og Harrans signing á leiðini og í tí verki tey eru útvald at fremja.

---

Sí nakrar samansettar myndir av søguliga brúdleypinum í Windsor Castel í gjár. Tað er bretska kringvarpsstøðin, BBC sum hevur sett saman og tikið upp.

TRÝST Á HER