Lýsing
Lýsing
Fiskaklettur góðan fiskiskap
Tað hevur gingið ógvuliga væl hjá okkum í ár. Vit hava siglt inn við so at siga fullum skipi nærum hvønn túr í ár, sigur Jógvan Petersen, skipari á Fiskakletti.
Hendan túrin hava vit verið úti í 5 dagar og hava 55.000 pund har á leið. Um helvtin er flatfiskur, ímeðan hin helvtin er runt.
Tosað verður um vánaliga fiskiskapin hjá línubátunum fyri tíðina. Vit hava roynt tætt við onkran av útróðrarbátunum nú ein túrin. Hann fekk næstan ongan tosk, bara hýsu, ímeðan vit fingu næstan bara tosk neyvt á somu leið.
Árið í fjør var eitt gott ár hjá okkum og higartil í ár hevur verið upp aftur betur, sigur Jógvan Petersen, skipari á Fiskakletti at enda.
Seinastu tíðindini