Í góðveðrinum í dag, var skipað fyri lítlum hátíðarhaldið við Sambýlið á Heygnum í Klaksvík, har føroysku Team Rynkeby súkklararnir byrjaðu langa súklutúrin úr Klaksvík og til París.

John Færø, frá Klaksvíkar býráð bjóðaði vælkomin og greiddi frá. Talur vóru hildnar, millum talararnar vóru Signhild Vilhelmsdóttir, virkandi borgarstjóri, Durita Tausen, forkvinna fyri Krabbameinsfelagið, Allan Mørkøre fyri súkklararnar og eisini handaðu, Ólavur Samson (gávu frá blóðgevunum úr Norðoyggjum) og Poul Huus Sólstein, gávur til børn ið eru rakt av hervuligu krabbameinssjúkuni.

50 høvdu meldað seg til sum súkklarar tá venjingin byrjaði og nú starturin varð veruleiki, møttu 49 upp. Team Rynkeby vil ikki hava fleiri enn 50 luttakarar í bólkinum, og tí er bíðilisti, um at sleppa upp í Rynkebysúkklararnar.